নগাঁও, : নগাঁও জিলাৰ ৰূপহীহাটৰ লৰিৰমুখত যোৱাকালি সন্ধিয়া ভয়ংকৰ পথ দুৰ্ঘটনা সংঘটিত হয়। ই-ৰিক্সা চালকে মহতিয়াই নিয়ে পথচাৰিক। দুৰ্ঘটনাত থিতাতে নিহত হয় পথাচাৰি।
দুৰ্ঘটনাত নিহত হোৱা লোকজন লৰিৰমুখৰ আব্দুল আলী। দুৰ্ঘটনাত পতিত হোৱা ই-ৰিক্সাৰ নম্বৰ এএছ ০২ ইআৰ ৯১২৬ মদ্যপান সেৱন কৰি তীব্র গতিত মহতিয়াই নিয়াৰ অভিযোগ প্ৰত্যক্ষদর্শীৰ।ঘটনাস্থলীত কাৱৈমাৰী আৰক্ষী উপস্থিত হৈ ই-ৰিক্সা চালকক আটক কৰাৰ তদন্ত আৰম্ভ কৰিছে।গাওঁ অঞ্চলত ই-ৰিক্সাৰ অতপালিত অতিষ্ঠ হোৱা ৰাইজে ই-ৰিক্সা নিয়ন্ত্ৰণ কৰিবলৈ জিলা প্ৰশাসনক দাবী জনায়।
