কামৰূপ, ০৫ ছেপ্টেম্বৰ (হি.স.): নাগৰিকত্ব সংশোধনী আইন চমুকৈ কা বাতিলৰ দাবীত ডিমুত যোৱা কালি বৃহস্পতিবাৰে আবেলি অসম জাতীয়তাবাদী যুৱ ছাত্ৰ পৰিষদ (এজেৱাইচিপি)-এ কেন্দ্ৰীয় গৃহমন্ত্ৰী অমিত শ্বাহৰ প্ৰতিকৃতি দাহ কৰে। কা বাতিলৰ দাবীত পুনৰ ৰাজ্যত আৰম্ভ হৈছে প্ৰতিবাদ।
কামৰূপৰ ডিমূত অসম জাতী়তাবাদী যুৱ ছাত্ৰ পৰিষদৰ ৰঙিয়া শাখাই তীব্ৰ প্ৰতিবাদ সাব্যস্ত কৰে। কা আমি নামানো, অতিশীঘ্ৰে কা বাতিল কৰক, অমিত শ্বাহ হুছিয়াৰ শ্লোগানৰে উত্তাল প্ৰতিবাদ কৰিছিল ছাত্ৰ সংগঠনটোৰ কৰ্মী সকলে। এই কাৰ্য্যসূচীৰ মাজতে কেন্দ্ৰীয় গৃহমন্ত্ৰী অমিত শ্বাহৰ প্ৰতিকৃতি দাহ কৰি তীব্ৰ প্ৰতিবাদ সাব্যস্ত কৰে।
হিন্দুস্থান সমাচাৰ / কিশোৰ মিশ্ৰ
