নতুন দিল্লী, ৩১ ডিচেম্বৰ (হি.স.)। ৰে’ল আৰু তথ্য আৰু সম্প্ৰচাৰ মন্ত্ৰী অশ্বিনী বৈষ্ণৱে মঙলবাৰে সংবাদ মাধ্যমৰ কৰ্মীসকলক ২০২৬ চনৰ নৱবৰ্ষৰ শুভেচ্ছা জনায়।
কেবিনেট ব্রিফিঙৰ পূৰ্বে বৈষ্ণৱে সাংবাদিকসকলৰ সৈতে আন্তৰিক আৰু অনানুষ্ঠানিক পৰিৱেশত মত বিনিময় কৰিছিল৷ নৱবৰ্ষৰ শুভেচ্ছা আদান-প্ৰদান আৰু সাম্প্ৰতিক বিভিন্ন বিষয়ৰ ওপৰত আলোচনা কৰে।
সংবাদ মাধ্যমৰ প্ৰতিনিধিৰ পৰাও কেন্দ্ৰীয় মন্ত্ৰীগৰাকীয়ে মতামত লাভ কৰাৰ লগতে তেওঁলোকৰ পৰামৰ্শ আৰু ধাৰণাসমূহ মনোযোগেৰে শুনিছিল। তেওঁ গণতন্ত্ৰত সংবাদ মাধ্যমৰ গুৰুত্বপূৰ্ণ ভূমিকাক আলোকপাত কৰি নিৰপেক্ষ আৰু ইতিবাচক সাংবাদিকতাৰ প্ৰশংসা কৰে।
हिन्दुस्थान समाचार / অৰৱিন্দ
