নতুন দিল্লী, ২৪ ডিছেম্বৰ (হি.স.)। অৰবিন্দ কেজৰিৱাল নেতৃত্বাধীন আম আদমী পাৰ্টি(আপ)ৰ নেতৃত্বত দিল্লী চৰকাৰৰ কথিত ঔষধ(ড্ৰাগছ) কেলেংকাৰিৰ কথা এতিয়া ছ’চিয়েল মিডিয়াত প্ৰতিধ্বনিত হৈ পৰাত বিষয়টোক লৈ ৰাজনৈতিক উষ্ণতা বৃদ্ধি পাইছে। এই সন্দৰ্ভত ভাৰতীয় জনতা পাৰ্টিৰ তথ্য প্ৰযুক্তি বিভাগৰ মুৰব্বী অমিত মালৱিয়াই প্ৰায় সাত ঘন্টা পূৰ্বে আৰু দিল্লীৰ স্থানীয় বিষয়ত সক্ৰিয় আন এটা ৰাজনৈতিক দল ‘লোকসেনা হিন্দ’ৰ সভাপতি ডা০ মুনিষ ৰাইজাদাই এক্স হেণ্ডেলৰ ওপৰত মন্তব্য কৰিছে। ইয়াৰে কেজৰিৱালৰ ওপৰত গুৰুতৰ কটাক্ষ কৰিছে ডা০ ৰাইজাদাই।
ভাৰতীয় জনতা পাৰ্টিৰ তথ্য প্ৰযুক্তি বিভাগৰ মুৰব্বী অমিত মালবিয়াই এক্সত এটা চেনেলৰ নিউজ ফুটেজৰ ভিডিঅ’ আপলোড কৰিছে। বিস্ময় চিহ্ন লগাই তেওঁ লিখিছে, ‘সুৰা কেলেংকাৰিৰ পিছত এতিয়া অৰবিন্দ কেজৰিৱালৰ আপৰ ঔষধ কেলেংকাৰী!’ স্মৰ্তব্য ইংৰাজী ডাঙৰ আখৰেৰে আপ লিখিছে মালভিয়াই। ইয়াৰ উপৰিও আন্না আন্দোলনত অংশ লোৱা ডাঃ মুনিষ ৰায়জাদাই অৰবিন্দ কেজৰিৱালক লক্ষ্য কৰি লৈছে। তেওঁ দীৰ্ঘদিন ধৰি আম আদমী পাৰ্টিৰ ‘বৃহৎ’ সহযোগী আছিল।
বৰ্তমান তেওঁ নিজৰ ৰাজনৈতিক দল ‘লোকসেনা হিন্দ’ৰ জৰিয়তে দিল্লীৰ মৌলিক বিষয়সমূহ জোৰদাৰভাৱে উত্থাপন কৰিছে। লোকসেনা হিন্দৰ সভাপতি ডাঃ মুনিষ ৰায়জাদাইও এক্সত এটা নিউজ চেনেলৰ বাতৰিৰ ভিডিঅ’ ইমেজ আপলোড কৰি লিখিছে – ‘ আৰু কিমান কেলেংকাৰী কৰিব দুৰ্ণীতিকাৰ?’ কেৱল এয়াই নহয়, ৰাইজাদাৰ দলে এই বিষয়ত জনসাধাৰণক এটা প্ৰশ্ন কৰিছে যে, ‘ইটোৰ পিছত সিটোকৈ কেলেংকাৰী সংঘটিত কৰা অৰবিন্দ কেজৰিৱালে এতিয়াই পদত্যাগ কৰিব লাগেনে? ‘লোকসেনা হিন্দ’ৰ এই পোষ্টটো ডাঃ ৰাইজাদাই নিজৰ এক্স হেণ্ডেলত পুনৰ পোষ্ট কৰিছে।
উল্লেখযোগ্য যে আম আদমী পাৰ্টি চৰকাৰৰ কথিত সুৰা কেলেংকাৰীত কাৰাগাৰৰ আঁৰত আছে দিল্লীৰ প্ৰাক্তন উপ-মুখ্যমন্ত্ৰী মনীষ চিছ’দিয়া আৰু ৰাজ্যসভাৰ সদস্য সঞ্জয় সিং। আন এজন প্ৰাক্তন মন্ত্ৰী সত্যেন্দৰ জৈনকো ধন সৰবৰাহৰ গোচৰত গ্ৰেপ্তাৰ কৰা হৈছে। সুৰা কেলেংকাৰিৰ অভিযোগত মুখ্যমন্ত্ৰী অৰবিন্দ কেজৰিৱালক ইডি চমন জাৰি কৰিছে। কেজৰিৱালে ইয়াক অবৈধ বুলি অভিহিত কৰি এয়া প্ৰত্যাহাৰৰ দাবী জনাইছে। ইফালে দিল্লীৰ লেফটেনেণ্ট গভৰ্ণৰে ঔষধ কেলেংকাৰিৰ তদন্তৰ চিবিআইৰ জৰিয়তে কৰিবলৈ নিৰ্দেশ দিছে।
হিন্দুস্থান সমাচাৰ/মুকুন্দ/মনোজ
