কাৰ্বি আংলং, ২১ অক্টোবৰ (হি.স.): কাৰ্বি আংলং জিলাৰ খটখটি আৰক্ষীয়ে নিচাজাতীয় সামগ্রীৰ বিৰুদ্ধে ধাৰাবাহিক অভিযান অব্যাহত ৰাখিছে। যোৱাকালি শুকুৰবাৰে সন্ধিয়া পুনৰ খটখটি আৰক্ষীৰ জালত এটা ড্ৰাগছ সৰবৰাহকাৰী।
খটখটি আৰক্ষীৰ নিয়মীয়া নাকা তালাচীত ডিমাপুৰৰ দিশৰ পৰা অহা এআৰ ০২ আৰ ২০৭৭ নম্বৰৰ এখন নৈশ বাছত যাত্ৰীৰূপে অহা এজন যুৱকৰ বেগত আৰক্ষীয়ে উদ্ধাৰ কৰে এই ড্ৰাগছখিনি। খটখটি আৰক্ষীয়ে সৰবৰাহকাৰীটোৰ বেগৰ পৰা দহটা প্লাষ্টিকৰ চাবোনৰ বাকচত মুঠ ১২৮ গ্ৰাম হেৰ’ইন জব্দ কৰে। ড্ৰাগছসহ আৰক্ষীয়ে তেজপুৰ বিশ্বনাথ চাৰিআলীৰ প্ৰদীপ শৰ্মা নামৰ এজনক যুৱকক আটক কৰি অধিক তথ্যৰ বাবে জেৰা অব্যাহত ৰাখিছে ।
হিন্দুস্থান সমাচাৰ / কিশোৰ/মনোজ
