নতুন দিল্লী, ০৬ অক্টোবৰ (হি.স.)। ৰাজস্থানৰ জয়পুৰৰ এখন চিকিৎসালয়ত অগ্নিকাণ্ড সংঘটিত হৈ কেইবাজনো লোকৰ মৃত্যুক লৈ সোমবাৰে প্ৰধানমন্ত্ৰী নৰেন্দ্ৰ মোডী আৰু কেন্দ্ৰীয় গৃহমন্ত্ৰী অমিত শ্বাহে দুখ প্ৰকাশ কৰে।
প্ৰধানমন্ত্ৰী কাৰ্যালয়ৰ ছ’চিয়েল মিডিয়া প্লেটফৰ্ম এছএমএছত প্ৰকাশ কৰা বাৰ্তাত প্ৰধানমন্ত্ৰী মোদীয়ে কয়, ৰাজস্থানৰ জয়পুৰৰ এখন চিকিৎসালয়ত সংঘটিত হোৱা অগ্নিকাণ্ডত মৃত্যু হোৱা লোকৰ খবৰটো গভীৰভাৱে দুখজনক। আপোনজনক হেৰুৱাই পেলোৱাসকলৰ প্ৰতি মোৰ সমবেদনা। আহতসকলৰ আশু আৰোগ্য কামনা কৰিলোঁ।
কেন্দ্ৰীয় গৃহমন্ত্ৰী অমিত শ্বাহে এই ঘটনাক লৈ শোক প্ৰকাশ কৰি এক্স যোগে কয়, জয়পুৰৰ সাৱাই মানসিংহ চিকিৎসালয়ত সংঘটিত হোৱা অগ্নিকাণ্ড মৰ্মান্তিক। স্থানীয় প্ৰশাসনে ক্ষতিগ্ৰস্ত ৰোগীসকলৰ সুৰক্ষা, চিকিৎসা, আৰু যত্ন লোৱাৰ বাবে সকলো ধৰণৰ পদক্ষেপ গ্ৰহণ কৰিছে। এই দুৰ্ঘটনাত প্ৰাণ হেৰুওৱাসকলৰ পৰিয়ালৰ প্ৰতি মোৰ সমবেদনা জ্ঞাপন কৰিছো। আহতসকলৰ আশু আৰোগ্য কামনা কৰিছো।
ৰাজস্থানৰ ৰাজধানী জয়পুৰৰ ট্ৰমা চেণ্টাৰ অৱ ছাৱাই মানসিং (এছ এম এছ) হাস্পতালৰ আই চি ইউত দেওবাৰে গভীৰ নিশা সংঘটিত হোৱা অগ্নিকাণ্ডত ৭ জন ৰোগীৰ মৃত্যু হয়। নিহত সকল হৈছে পিন্টু (চিকাৰ), দিলীপ (অন্ধি, জয়পুৰ), শ্ৰীনাথ (ভাৰতপুৰ), ৰুকমণি (ভাৰতপুৰ), কুশমা (ভাৰতপুৰ), সৰ্বেশ (আগ্ৰা, উত্তৰ প্ৰদেশ) আৰু বাহাদুৰ (সংগানেৰ, জয়পুৰ)।
हिन्दुस्थान समाचार / মনোজ কুমাৰ শইকীয়া
