কাঠমাণ্ডু, ০৬ অক্টোবৰ (হি.স.)। নিৰ্বাচন আয়োগে সোমবাৰে নেপালত অনুষ্ঠিত হ’বলগীয়া সাধাৰণ নিৰ্বাচনৰ সময়সূচী ঘোষণা কৰে । অহা বছৰৰ ৫ মাৰ্চত অনুষ্ঠিত হ’ব সাধাৰণ নিৰ্বাচন। আনহাতে, আৰু ৬ মাৰ্চৰ পৰা ভোট গণনা আৰম্ভ হ’ব। ভোট গণনা সম্পূৰ্ণ হ’লেই আৰম্ভ হ’ব চৰকাৰ গঠন প্ৰক্ৰিয়া।
নিৰ্বাচনৰ সময়সূচী ঘোষণা কৰি নিৰ্বাচন আয়োগে কয় যে ২০২৬ চনৰ ৫ মাৰ্চৰ পুৱা ৭:০০ বজাৰ পৰা ভোটগ্ৰহণ আৰম্ভ হ’ব, আৰু সন্ধিয়া ৭:০০ বজালৈকে চলিব। সেইদিনা সন্ধিয়া সকলো বেলট বাকচ সংগ্ৰহ কৰা হ’ব, আৰু পিছদিনা পুৱা ৬ মাৰ্চ, ২০২৬ তাৰিখে ভোট গণনা আৰম্ভ হ’ব। নিৰ্বাচন আয়োগৰ মতে ৰাজনৈতিক দল পঞ্জীয়নৰ অন্তিম তাৰিখ ১৭ নৱেম্বৰৰ পৰা ২৬ নৱেম্বৰলৈ। নিৰ্দিষ্ট সময়ৰ ভিতৰত পঞ্জীয়ন নকৰা দলসমূহে নিৰ্বাচনত অংশগ্ৰহণ কৰিব নোৱাৰিব বুলি আয়োগে স্পষ্ট কৰি দিয়ে।
আয়োগৰ তথ্য অনুসৰি অহা ২ আৰু ৩ জানুৱাৰীত প্ৰাৰ্থীৰ তালিকা দাখিল কৰা হ’ব। নেপালৰ মিশ্ৰিত নিৰ্বাচনী ব্যৱস্থাত প্ৰত্যক্ষ ভোটদানৰ জৰিয়তে ১৬৫ জন প্ৰাৰ্থী নিৰ্বাচন কৰা হয়, আনহাতে ১১০ জন সদস্যক আনুপাতিক ব্যৱস্থাৰ জৰিয়তে নিৰ্বাচিত কৰা হয়। আয়োগে প্ৰাৰ্থীৰ মনোনয়নৰ দিন হিচাপে ১৪ ফেব্ৰুৱাৰী নিৰ্ধাৰণ কৰিছে। একেদৰে নিৰ্বাচনী প্ৰচাৰৰ সময় ১৫ ফেব্ৰুৱাৰীৰ পৰা ২ মাৰ্চলৈ ধাৰ্য কৰা হৈছে।
हिन्दुस्थान समाचार / অৰৱিন্দ
