پونے، 18 دسمبر (ہ س)۔ بنگلورو ایس جی ماویرکس نے اتوار کی رات بنگال وزارڈز کو شکست دے کر ٹینس پریمیئر لیگ (ٹی پی ایل) سیزن 5 کا خطاب جیت لیا۔ دن کا آغاز سیمی فائنل میچوں سے ہوا۔ دو سیمی فائنل میچ کھیلے گئے اور پھر خطاب میچ کھیلا گیا جس میں بنگلورو ایس جی ماویرکس نے جیت حاصل کی۔
دن کے پہلے سیمی فائنل میں، بنگلورو ایس جی ماویرکس اور دہلی بنی بریگیڈ آمنے سامنے تھے۔ بنگلورو ایس جی ماویرکس کی ارینا روڈیونووا نے خواتین کے سنگلز میچ میں دہلی بنی بریگیڈ کی سہجا یملاپلی کو 11-9 سے شکست دی۔ اس کے بعد مردوں کا سنگلز میچ ہوا، جس میں بنگلورو ایس جی ماویرکس کے رام کمار رامناتھن نے دہلی بنی بریگیڈ کے ڈینس نوواک کو 12-8 سے شکست دے کر اپنی ٹیم کو مضبوطی فراہم کی۔
بنگلورو ایس جی ماویرکس کی ارینا روڈیونووا اور وشنو وردھن نے اس کے بعد مکسڈ ڈبلز زمرے کے میچ میں دہلی بنی بریگیڈ کے سہجا یملا پلی اور جیون نیدونچیزیان کو 11-9 سے شکست دی۔ میچ کے فائنل مینز ڈبلز میچ میں، بنگلورو ایس جی ماویرکس کے رام کمار رامناتھن اور وشنو وردھن کا مقابلہ دہلی بنی بریگیڈ کے جیون نیدونچیزیان اور ڈینس نوواک سے تھا لیکن وہ یہ میچ 7-9 سے ہار گئے۔ بنگلورو ایس جی ماویرکس نے 41 پوائنٹس حاصل کیے اور فائنل میں اپنی جگہ بنائی۔ بنگلورو ایس جی ماویرکس کے رام کمار رامناتھن کو پلیئر آف دی میچ کا ایوارڈ دیا گیا۔
دوسرے سیمی فائنل میں بنگال وزارڈز نے پنجاب پیٹریاٹس کو شکست دی۔ بنگال وزارڈز کی ماریہ ٹیموفیوا نے پنجاب پیٹریاٹس کی کونی پیرین کو 12-8 سے شکست دی۔ مردوں کے سنگلز زمرے میں بنگال وزارڈز کے سریرام بالاجی نے پنجاب پیٹریاٹس کے دگ وجے پرتاپ سنگھ کو 13-7 سے شکست دی۔ اس کے بعد مکسڈ ڈبلز کیٹیگری کا میچ 10-10 پر ختم ہوا۔ بنگال وزارڈز کی ماریا تیموفیوا اور انیرودھ چندر شیکھر نے پنجاب پیٹریاٹس کے کونی پیرین اور ارجن کھڈے کے ساتھ ڈرا کھیلا۔
میچ کا آخری گیم مینز ڈبلز تھا، جس میں بنگال وزارڈز کے سریرام بالاجی اور انیرودھ چندر شیکھر کو پنجاب پیٹریاٹس کے دگ وجے پرتاپ سنگھ اور ارجن کھڈے کے ہاتھوں 5-8 سے شکست کا سامنا کرنا پڑا۔ اس طرح بنگال وزارڈز نے 41 پوائنٹس کے جادوئی اعداد و شمار کے ساتھ فائنل میں جگہ پکی کرلی، بنگال وزارڈز کے سری رام بالاجی کو پلیئر آف دی میچ کا ایوارڈ دیا گیا۔
ٹی پی ایل کے سیزن 5 کے فائنل میں بنگلورو کا مقابلہ بنگال وزارڈز سے ہوا۔ بنگلورو کی ارینا روڈیونووا خواتین کے سنگلز زمرے میں بنگال وزارڈز کی ماریہ ٹیموفیوا سے آسانی سے ہار گئیں۔ وہ یہ میچ 9-11 سے ہار گئیں۔ اس کے بعد مردوں کے سنگلز زمرے میں بنگلورو کے رام کمار رامناتھن نے بنگال وزارڈز کے سریرام بالاجی کو 11-9 سے شکست دے کر اپنی ٹیم میں واپسی کروائی ۔
بنگلورو ایس جی ماویرکس کی ارینا روڈیونووا اور وشنو وردھن نے پھر اپنے مکسڈ ڈبلز گیم میں بنگال وزارڈز کی ماریہ ٹیموفیوا اور انیرودھ چندر شیکھر کے خلاف 14-6 سے جیت کے ساتھ اپنی ٹیم کو آگے بڑھایا۔
فائنل کے آخری کھیل میں، جو مینز ڈبلز زمرہ تھا، بنگلورو کوٹی پی ایل سیزن 5 کی ٹرافی جیتنے کے لیے صرف 7 پوائنٹس کی ضرورت تھی۔ اس کے لیے بنگلورو ایس جی ماویرکس کے رام کمار رامناتھن اور وشنو وردھن آگے آئے اور بنگال وزارڈز کے سری رام بالاجی اور انیرودھ چندر شیکھر کو 7 پوائنٹس سے شکست دے کر خطاب اپنے نام کر لیا۔
ہندوستھان سماچار
