ایل ایل سی: گجرات جائنٹس نے بھیلواڑہ کنگز کو تین رن سے دی شکست، بیکار گئی سمنز کی طوفانی اننگز
رانچی، 23 نومبر (ہ س)۔ لینڈل سیمنز کی 99 رنوں کی دلیرانہ اننگز کے باوجود گجرات جائنٹس نے بدھ کی رات جے ایس سی اے کرکٹ اسٹیڈیم میں کھیلے جا رہے لیجنڈز لیگ کرکٹ (ایل ایل سی) کے چوتھے میچ میں بھیلواڑہ کنگز کے خلاف تین رنوں کی دلچسپ فتح درج کی۔
پہلی اننگز میں کرس گیل کی دھماکہ خیز نصف سنچری کے جواب میں ان کے سابق کیریبیئن ساتھی لینڈل سمنز نے بھی طوفانی اننگز کھیلی جو آخر میں ناکام ثابت ہوئی۔ لیگ میں گجرات جائنٹس کی یہ دوسری جیت ہے۔
اس سے قبل بھیلواڑہ کنگز نے ٹاس جیت کر پہلے فیلڈنگ کا فیصلہ کیا۔ جیک کیلس (14) کو چوتھے اوور میں راہل شرما نے 33 کے اسکور پر رن آوٹ کیا۔ آٹھویں اوور تک 91 رن بنانے والی ٹیم کو دوسرا جھٹکا کرس گیل (27 گیندوں پر 52) کی صورت میں لگا، جو راہل شرما کے ہاتھوں ایل بی ڈبلیو آوٹ ہوئے۔
اگلے ہی اوور میں جیسل کریا نے رچرڈ لیوی کو آوٹ کر کے گجرات جائنٹس کو بیک فٹ پر دھکیل دیا اور اسکور 97/3 ہوا۔ ٹیم کے اسکور 119 کے ساتھ آئرش بلے باز کیون اوبرائن (11) اس بار بھی بڑا اسکور بنانے میں ناکام رہے جب شرما نے انہیں اپنا شکار بنایا۔ اس کے بعد پارتھو پٹیل (8) کے آوٹ ہونے کے ساتھ ہی آدھی ٹیم 121 رنوں پر پویلین لوٹ گئی۔
ابھیشیک جھنجھن والا اور ناٹ آوٹ چراغ کھرانا کی 29 رنوں کی شراکت نے ٹیم کا اسکور 150 تک پہنچا دیا۔ ابھیشیک نے 24 رن بنائے۔ چراغ کھرانا (24) اور رجت بھاٹیا (7) کی ناٹ آوٹ اننگز کی بدولت گجرات جائنٹس نے مقررہ بیس اوورز میں 6 وکٹوں پر 172 رن بنائے۔ جیسل کریا (2/16) اور راہل شرما (2/25) نے دو دو وکٹیں حاصل کیں۔
ہدف کا تعاقب کرتے ہوئے بھیلواڑہ کنگز کے دونوں سلامی بلے باز سولومن مائر (8) اور تلک رتنے دلشان (1) کو 14 کے مجموعی اسکور پر ریاد امرٹ نے پویلین بھیج دیا۔ نئے بلے بازوں – لینڈل سمنز اور رابن بسٹ نے دوسری وکٹ کے لیے 45 رنوں کی شراکت قائم کرکے نقصان کی بھرپائی کی۔ آٹھویں اوور میں سربجیت لڈا نے رابن بسٹ (18) کی صورت میں گجرات کو تیسری کامیابی دلائی اور اسکور 3 وکٹ پر 59 رن ہوگیا۔
اس دوران سمنز نے 34 گیندوں میں اپنی نصف سنچری مکمل کی لیکن دوسرے سرے پر وکٹ کیپر بلے باز پنل شاہ (16) سیٹ بلے باز کا زیادہ ساتھ نہیں دے سکے اور اسکور 4 وکٹوں پر 93 رن ہو گیا۔ اگلے ہی اوور میں یوسف پٹھان (5) جو اپنی فارم سے لڑ رہے تھے، اس بار بھی مایوس لوٹے اور شری سانتھ کے شکار بنے۔ اس وکٹ کے گرنے کے ساتھ ہی آدھی ٹیم 110 رنوں پر ڈھیر ہوگئی۔
گزشتہ میچ کے ہیرو رہے ٹیم کے کپتان عرفان پٹھان (9) اس بار اپنے بلے سے کچھ خاص نہیں کر سکے اور بھاٹیا کے ہاتھوں بولڈ ہو گئے اور ٹیم 140 رنوں پر 6 وکٹیں گنوا کر جدوجہد کرتی نظر آئی۔ اگلے ہی اوور میں ایشور چودھری نے کرس برنوال (1) کا وکٹ لے کر میچ کو تقریباً اپنے حق میں کر لیا۔ لیکن سمنز اور جیسل کریا کی 28 رنوں کی شراکت نے میچ کو آخری گیند تک لے گئی۔
آخری اوور میں بھیلواڑہ کو جیت کے لیے 14 رن درکار تھے اور ان رن کو گیندباز شری سنتھ نے بخوبی دفاع کیا اور آخر میں بھیلواڑہ کنگز 7 وکٹوں پر 169 رن ہی بنا سکی۔ ناٹ آوٹ سیمنز 61 گیندوں میں 12 چوکوں اور تین چھکوں کی مدد سے اپنی سنچری سے صرف ایک رن سے محروم رہے جبکہ جیسل نے 10 رن جوڑے۔ ریاد امرٹ (2/30) اور ایشور چودھری (2/32) نے دو دو وکٹیں حاصل کیں۔
ہندوستھان سماچار
/شہزاد
