پلٹن کی جیت کی ہیٹ ٹرک، پونے لیگ کے آخری میچ میں بلز کو 25 پوائنٹس سے شکست دے کر چوٹی پر برقرار
پونے، 21 دسمبر (ہ س)۔ میزبان پونیری پلٹن نے بدھ کی رات شری شیو چھترپتی اسپورٹس کمپلیکس میں کھیلے گئے پرو کبڈی لیگ کے 10ویں سیزن کے پونے لیگ کے فائنل میچ میں بنگلورو بلز کو 18-43 کے فرق سے شکست دی۔ پلٹن چھ میچوں میں پانچویں جیت کے ساتھ پوائنٹس ٹیبل پر سرفہرست ہے جبکہ بلز سات میچوں میں پانچویں ہار کے ساتھ آٹھویں نمبر پر ہے۔
پلٹن نے گھریلو ناظرین کے سامنے زبردست توانائی کا مظاہرہ کیا اور ریڈ اور دفاع میں 17-17 پوائنٹس حاصل کئے جبکہ بلز ان کے سامنے کہیں بھی نہیں ٹھہر سکے۔ بلز کو ریڈ میں 10 پوائنٹس اور دفاع میں 8 پوائنٹس ملے۔ بلز کے لیے روہت ناندل (6) نے ہائی 5 لگایا جبکہ وکاس کنڈولا نے 5 پوائنٹ بنائے۔ پونے کی جانب سے محمدرضا شادلو نے ہائی 5 لگایا اور موہت گویت نے 8 پوائنٹس بنائے۔ مسلسل چار شکستوں کے بعد جیت کے راستے پر واپس آنے والے بلز ایک بار پھر پٹڑی سے اتر گئے۔
پلٹن کے دفاعی اور ریڈ کے شعبے نے شاندار آغاز کیا اور چوتھے منٹ میں اپنی ٹیم کو 1-6 کی برتری دلائی۔ بلز ٹپر آل آوٹ کا خطرہ تھا اور ایسا کر کے پلٹن نے2-10 کی برتری حاصل کر لی۔ پونے کی ٹیم یہیں نہیں رکی اور جلد ہی اپنی برتری کو 2-15 تک بڑھا دیا۔ بلز کے لیے سپر ٹیکل آناتھا لیکن کنڈولا نے اسے ٹال دیا۔
اس کے بعد بلز کے دفاع نے موہت کو باہر بھیجا اور مسلسل دوسرا پوائنٹ حاصل کیا۔ بھرت پہلے ہی باہر تھے اور کنڈولا بھی وقفے کے بعد آوٹ کردئے گئے۔ اب تک بلز نے سات ناکام ٹیکلز کیے ہیں جبکہ پلٹن نے صرف ایک غلطی کی تھی۔ اس نے ایک اور شکار کر اپنی برتری کو 4-18 تک بڑھا دیا۔ اس کے بعد پلٹن نے دوسری بار بلز کو آل آوٹ کیا اور 5-22 کی برتری حاصل کی۔
پلٹن کے ڈفینس نے گرج جاری رکھا۔ شادلو نے دوسرا ٹیکل کرکے اپنی ٹیم کو 6-26 سے آگے کر دیا۔ موہت نے ڈو اور ڈائی ریڈ پر امان کو آوٹ کرکے بلز کو ایک بار پھر سپر ٹیکل پوزیشن میں ڈال دیا لیکن کنڈولا نے ملٹی پوائنٹ ریڈ کے ساتھ ٹیم میں واپسی کی۔ ہاف ٹائم پر پلٹن 8-28 سے آگے تھے اور بلز کے لیے سپر ٹیکل آنا تھا۔
بلز سپر ٹیکل کی صورتحال کا فائدہ نہ اٹھا سکے اور تیسری بار آل آوٹ ہونے کے بعد دوبارہ میٹ پر واپس آئے۔ اب اسکور 10-33 کے ساتھ پلٹن کے حق میں تھا۔ اس کے بعد پلٹن کے دفاع نے اپنی 13ویں کامیابی کے ساتھ اسے 10-35 سے آگے کیا۔ 10 منٹ باقی تھے اور 27 پوائنٹس کی برتری کے ساتھ پلٹن کی جیت یقینی دکھائی دینے لگی تھی۔
دریں اثنا محمدرضا شادلو نے اس سیزن میں اپنا دوسرا ہائی 5 مکمل کیا۔ بلز کی واپسی کا کوئی امکان نہیں تھا۔ اس ٹیم نے پیچ میں اچھا کھیلا لیکن پلٹن نے جس طرح کا مجموعی کھیل دکھایا، وہ اس بڑی فتح کی مستحق تھی۔ اب تمام ٹیمیں چنئی جائیں گی، جہاں تمل تھلائیواز تمام ٹیموں کی میزبانی کرے گا۔
ہندوستھان سماچار
/شہزاد
