ڈبلن، 9 نومبر (ہ س)۔
دائیں ہاتھ کے تیز گیندباز گراہم ہیوم اور وکٹ کیپر بلے باز نیل راک کو زمبابوے کے خلاف 7 دسمبر سے ہرارے میں شروع ہونے والی ٹی- 20 سیریز کے لیے آئرلینڈ کی 15 رکنی ٹیم میں شامل کیا گیا ہے۔ فیون ہینڈ اور بین وائٹ، جو اگست میں ہندوستان کے خلاف آئرلینڈ کی آخری ٹی-20 سیریز کا حصہ تھے، کو ٹیم سے باہر کردیا گیا ہے۔
تین میچوں ٹی- 20 سیریز کے بعد ہونے والی تین میچوں کی یک روزہ سیریز کے لیے، اسپن گیندباز آل راؤنڈر گیریتھ ڈیلانی، جو ستمبر میں انگلینڈ کا سامنا کرنے والی ٹیم میں تھے، کو باہر کر دیا گیا ہے۔
سفید گیند کے کپتان کے طور پر مستقل تقرری کے بعد پال اسٹرلنگ کی قیادت میں یہ آئرلینڈ کا پہلا دورہ ہوگا۔ دسمبر میں زمباوے جانے سے پہلے آئرلینڈ کی ٹیم 19 سے 23 نومبر تک اسپین میں تربیتی کیمپ میں پانچ دن گزارے گی۔ تمام میچ ہرارے میں کھیلے جائیں گے، سیریز کا اختتام 17 دسمبر کو تیسرے اور آخری ون ڈے کے ساتھ ہوگا۔
2022 میں ڈیبیو کرنے کے بعد سے، ہیوم نے چارٹی- 20 کھیلے ہیں، اور ان گیمز میں کل چار وکٹیں حاصل کی ہیں۔ اس دوران راک 19 ٹی- 20 میچوں کا حصہ رہے ہیں۔
آئرلینڈ کی ٹیم درج ذیل ہے:
ٹی- 20 ٹیم: پال اسٹرلنگ (کپتان)، مارک اڈائر، راس اڈائر، اینڈریو بالبرنی، کرٹس کیمپر، گیریتھ ڈیلانی، جارج ڈوکریل، جوش لٹل، گراہم ہیوم، بیری میک کارتھی، نیل راک، ہیری ٹییکٹر، لورکن ٹکر، تھیو وین وورکوم۔ کریگ ینگ۔
ون ڈے ٹیم: پال اسٹرلنگ (کپتان)، مارک اڈائر، اینڈریو بالبرنی، کرٹس کیمپر، جارج ڈوکریل، جوش لٹل، گراہم ہیوم، اینڈی میک برائن، بیری میک کارتھی، نیل راک، ہیری ٹییکٹر، لورکن ٹکر، تھیو وین وورکوم، کریگ ینگ۔
ہندوستھان سماچار/
/عطاءاللہ
