ممبئی، 12 دسمبر (ہ س)۔
گزشتہ ماہ ڈیس بکنگھم کے ممبئی سٹی ایف سی چھوڑنے کے بعد آئی لینڈرز نئے ہیڈ کوچ پیٹر کیرٹکی کے ساتھ نئی شروعات کے لیے تیار ہیں۔ سیزن کے وسط میں ایک نیا باب شروع کرنا کبھی بھی آسان کام نہیں ہوتا ہے، لیکن کیرٹکی کی تقرری کے پیچھے ایک اہم سوچ ہے، جس کے تحت چیک حکمت عملی ساز نے سٹی فٹ بال گروپ (سی ایف جی) ملکیت والے کلب میں آسٹریلوی میلبورن سٹی ایف سی میں بطور اسسٹنٹ کوچ کے رول سے انڈین سپر لیگ (آئی ایس ایل) میں تبدیل کر دیا ہے۔
42 سالہ پیٹر بطور کھلاڑی 15 سال تک ملاڈا بولیسلاو اور سلوون لبریک جیسے اہم چیک کلبوں کے لیے کھیل چکے ہیں اور ان کو معلوم ہے کہ کئی ستارے اے لیگ سے آئی ایس ایل میں کھیلنے آئے ہیں، جو انہیں اس بات کی بہترین سمجھ دیتے ہیں کہ بھارت میں کیا توقع کی جائے۔ انہیں یقین ہے کہ وہ اس سیزن میں آئی لینڈرز کو اپنے مقاصد حاصل کرنے میں مدد کریں گے، جس میں آئی ایس ایل لیگ ونر شیلڈ کو برقرار رکھنا بھی شامل ہے۔ ذاتی طور پر اسسٹنٹ کے کردار سے ہیڈ کوچ کے عہدے پر ترقی ان کے اور ان کے خاندان کے لیے حوصلہ افزا ہوگی۔
کیرٹکی نے آئی ایس ایل کی طرف سے جاری کردہ ایک سرکاری بیان میں کہا، ’’آئی ایس ایل کافی حد تک اے لیگ سے ملتی جلتی ہے۔ یقیناً، بہت سے اے لیگ کے کھلاڑی آئی ایس ایل میں کھیلتے ہیں۔ کچھ غیر ملکی کھلاڑی لیگ کا حصہ ہیں اور بہت سے اچھے ہندوستانی قومی ٹیم کے لیے کھیل رہے ہیں۔ لہٰذا یہ ایک بہت اچھا معیار ہے، یہ تیار ہو رہا ہے اور یہ مستقبل میں اور بھی بہتر ہونے والا ہے۔‘‘
وہ مزید کہتے ہیں، ’’جب یہ موقع آیا تو میں بہت خوش تھا۔ میں یہاں آ کر اور کام شروع کر کے خوش ہوں۔ یہ میرے اور میرے خاندان کے لیے ایک اچھا سیٹ اپ ہے اور کھلاڑیوں کا معیار مجھے مزید پرجوش بناتا ہے کیونکہ میں یہاں اچھا کام کرنا جاری رکھ سکتا ہوں۔‘‘
2018 میں سٹی اکیڈمی میں کوچنگ کا عہدہ سنبھالنے سے پہلے کیرٹکی نے ابتدائی طور پر 2017 میں سی ایف جی میں بطور رضاکار شمولیت اختیار کی۔ 2017 میں انہوں نے میلبورن سٹی ایف سی کی ترقیاتی ٹیم کے ساتھ کام کیا اور 2021 میں بکنگھم کے ممبئی سٹی ایف سی میں شمولیت کے بعد وہ اسسٹنٹ کوچ بن گئے۔
کیرتکی کا تعلق جمہوریہ چیک سے ہے، حالانکہ انہوں نے اپنے کھیل کے کیریئر کا اختتام اور آج تک اپنی تمام کوچنگ آسٹریلیا میں گزاری۔ بہت سے چیک کھلاڑی جیسے جان اسٹوہنز (ممبئی سٹی ایف سی)، پاویل ایمووس (ممبئی سٹی ایف سی)، جان سیڈا (ایف سی گوا)، ٹامس جوسیل (نارتھ ایسٹ یونائیٹڈ ایف سی) ماضی میں آئی ایس ایل میں کھیل چکے ہیں اور ممبئی سٹی ایف سی کے نئے ہیڈ کوچ کا دعویٰ ہے کہ انہوں نے لیگ کو بہتر طور پر سمجھنے کے لیے آئی ایس ایل کھیلنے والے کھلاڑیوں کے پروفائلز کا مطالعہ کیا ہے۔
ہندوستھان سماچار//محمد
