سہرسہ، 10 دسمبر(ہ س)۔ بہار کے سہرسہ میں پولیس پر جان لیوا حملہ ہوا ہے ۔ ضلع کے بیجناتھ پور او پی انچارج پر چھاپہ ماری کے دوران گاؤں والوں نےگھیر کر پتھروں سے جان لیوا حملہ کر دیا۔ حملے میں او پی انچارج اور ایک سب انسپکٹر زخمی ہوگئے ہیں۔ دونوں زخمی پولیس اہلکاروں کے سر پر چوٹ لگی ہے۔ واقعہ کی اطلاع ملتے ہی سہرسہ سے صدر ایس ڈی پی او سنتوش کمار ، ڈی ایس پی اعجاز حافظ ،منی بیجناتھ پور او پی پہنچے اور دونوں زخمیوں کو سہرسہ کے پرائیویٹ نرسنگ ہوم میں داخل کروایا۔ واقعہ بیجناتھ پور او پی علاقہ کے کھجوری گاؤں کا بتایا جا رہا ہے۔
موصولہ اطلاع کے مطابق ایک زخمی پولیس اہلکار کا نام ارمود کمار ہے جو بیجناتھ پور او پی انچارج ہیں۔ وہیںدوسرے زخمی پولیس اہلکار کا نام ارون کمار ہے ، جو بیجناتھ پور او پی میں سب انسپکٹر کے عہدے پر تعینات ہے۔ دونوں پولیس اہلکار ٹیم کے ساتھ بیجناتھ پور او پی تھانہ علاقہ کے کھوجری گاؤں میں چھاپہ ماری کرنے گئے تھے۔ جہاں گاؤں والوں نے گھیر کر حملہ کر دیا۔ اس دوران دونوں پولیس اہلکار زخمی ہوگئے۔
واقعہ کی اطلاع ملتے ہی ایس پی اوپیندر ناتھ ورما فوری طور پر پرائیویٹ نرسنگ ہوم پہنچے۔ زخمی پولیس اہلکار کی خیریت جاننے کے بعد انہوں نے واقعہ کے بارے میں کہا کہ بیجناتھ پورتھانہ انچارج اور ایک جونیئر سب انسپکٹر دو تین مزید پولیس اہلکاروں کے ساتھ چھاپہ ماری کرنے گئے تھے ۔وہیں گاؤں والوں نے گھیر لیا اور پتھراؤ بھی کیاگیا۔ ان دونوں کو چوٹیں آئی ہیں اور فی الحال سوریا اسپتال میں زیر علاج ہیں۔ ایک موٹر سائیکل پر دو افراد سوار تھے جو مشکوک حالت میں نظر آئے ۔ان کا پیچھا کرتے ہوئے پولیس ٹیم گئی تھی۔ بدمعاش پکڑے بھی گئے تھے لیکن گاؤں والوں کے حملے میں وہ فرار ہوگیا۔
ہندوستھان سماچار/ افضل/سلام
