نئی دہلی،22نومبر(ہ س)۔
جامعہ سینئر سیکنڈری اسکول (جے ایس ایس ایس)جامعہ ملیہ اسلامیہ نے اپنے قابل افتخار سابق طالب علم محترمہ ایشا کی خدمات کے اعترا ف اور ان کے استقبال کے لیے آج ایک خصوصی پروگرام’اڑان‘کا اہتمام کیا۔واضح ہوکہ محترمہ ایشا وہ پہلی ہندوستانی خاتون ہیں جنھیں تیس سال کی عمر کے اندر میں یوروپی خلائی ایجنسی(ای ایس اے) ایوارڈ سے نوازا گیا۔جامعہ سینئر سکنڈری سے اسکول کی تعلیم مکمل کرنے کے بعد سال دوہزار تیرہ میں انھوں نے جامعہ ملیہ اسلامیہ کے شعبہ میکانیکل انجینرئنگ کے بیچلر آف ٹکنالوجی(بی۔ٹیک) کیا تھا۔ای ایس اے نے یوروپی انٹر پارلیامنٹری اسپیس کانفرنس(ایس آئی ایس سی)میں ’اسپیشل مشن آف جیوری‘ کے زمرے میں خلائی پائے داری ایوارڈ برائے سال دوہزار اکیس (دوہزار اکیس)میں انعام سے سرفراز کیاہے۔تقسیم انعامات کی تقریب فرانسیسی پارلیمنٹ میں منعقد ہوئی۔قابل ذکر ہے کہ یہ انعام ان نوجوان سائنس دانوں کی خدمت میں پیش کیا جاتاہے جو خلا کے پائے دار استعمال اور تصر ف کو فروغ دیتے ہیں۔یہ انعام نوجوان سائنس دانوں کے لیے اپنے خیالات کو پیش کرنے کا ایک پلیٹ فارم بھی ہے۔
سر دست ایشا جرمنی کے لے ایبنز،انسٹی ٹیوٹ آف کمپوزٹ مٹیریلز جی ایم بی ایچ کے ڈپارٹمنٹ آف کمپونینٹ ڈولپمنٹ میں بطور رسرچ ایسو سی ایٹ کام کررہی ہیں۔جامعہ سے بی۔ٹیک کرنے کے بعد ڈیرھ سال تک انھوں کنسلٹی فراہم کرنے کا کام کیابعد میں نی انگ ٹکنالوجیکل یونیورسٹی اور ٹکنیکل یونیورسٹی میونخ سے ایرو اسپیس میں ماسٹر ڈگری کرنے لیے سنگا پور چلی گئیں۔ ان کے والد ڈاکٹر انل کمار، جامعہ ملیہ اسلامیہ کے شعبہ ہندی میں ایسو سی ایٹ پروفیسر ہیں۔استقبالیہ تقریر میں جامعہ سینئر سیکنڈری اسکول کے پرنسپل ڈاکٹر محمد ارشد خان نے ایشا کی کامیابی پر ان کو مبارک دی اور امید ظاہر کی کہ ان کی اس شان دار کامیابی سے یونیورسٹی کے دوسرے طلبا کو بھی تحریک ملے گی کہ وہ بڑے خواب دیکھیں اور اس کے حصول کے لیے کوشاں ہوں۔اس کے علاوہ، اسکول کے سابق طالب علم کو استقبالیہ دینے کے خصوصی پروگرام ’اڑان‘ کے اغراض ومقاصد کو بھی اجاگر کیا۔آئی ڈی آئی پرائیوٹ لمٹیڈ کے بنیاد گزار اور جامعہ سینئر سیکنڈری اسکول کے سابق طالب علم جناب عرفان خان اس پروگرام کے مہمان خصوصی تھے۔اپنی تقریر میں انھوں نے کہاکہ طلبا کو اپنی پوشیدہ صلاحیتوں نکھارنے اور صیقل کرنے کے لیے سخت جانفشانی کرنی چاہیے اور بطور کیریئر اپنی دلچسپی کے میدانوں کا انتخاب کرنا چاہیے۔پروگرام کے کوآرڈی نیٹر ڈاکٹر عطائ الرحمن،پی جی ٹی،کیمیا،جے ایس ایس اسی کے اظہار تشکر کے ساتھ پروگرام اختتام پذیر ہوا۔
ہندوستھان سماچار
