ریاستی حکومت نے کسانوں کو طوفان کے اثرات سے آگاہ نہیں کیا، ہوا بڑا نقصان
کولکاتا، 9 دسمبر (ہ س)۔ مغربی بنگال کے ساحلی اضلاع میں سائیکلون میچونگ کی وجہ سے مسلسل چھ دنوں سے بارش ہو رہی ہے۔ اس کی وجہ سے نہ صرف ریاست میں بڑے پیمانے پر دھان کی کاشت کو نقصان پہنچا ہے بلکہ آلو کے کاشتکاروں کو بھی بھاری نقصان اٹھانا پڑا ہے۔ الزام ہے کہ مغربی بنگال حکومت نے کسانوں کو طوفان کے اثرات سے آگاہ نہیں کیا جس کی وجہ سے نقصانات میں مزید اضافہ ہوا ہے۔
طوفان کے اثر کی وجہ سے کولکاتا کے علاوہ ہاوڑہ، ہوگلی، شمالی اور جنوبی 24 پرگنہ، مشرقی اور مغربی مدنا پور اور بردوان میں مسلسل بارش ہو رہی ہے۔ ان میں سے آلو کی کھیتی سب سے زیادہ ہاوڑہ اور ہوگلی میں ہوتی ہے۔ یہاں کے کسانوں نے بھی ایسے ہی الزامات عائد کئے ہیں۔ یہ دعویٰ ہے کہ حکومت کسانوں کو غیر موسمی بارشوں کے بارے میں خبردار کرنے میں ناکام رہی جس کی وجہ سے ریاست کے جنوبی علاقے میں آلو کی فصل کو نقصان پہنچا۔ ریاست بھر میں آلو کے کاشتکاروں کو معاشی دھچکا لگا ہے کیونکہ ان کی فصلیں گزشتہ تین دنوں میں ہونے والی غیر موسمی بارشوں سے تباہ ہو گئی۔ محکمہ زراعت کی جانب سے وارننگ نہ ہونے کی وجہ سے وہ کوئی احتیاطی تدابیر اختیار نہیں کر سکے۔
ہندوستھان سماچار
/شہزاد
