وزیر اعظم مودی نے کہا- شکریہ رانچی، جھارکھنڈ یوم تاسیس اور بھیا دوج کی ملک کے باشندوں کو مبارکباد
رانچی، 15 نومبر (ہ س)۔ وزیر اعظم نریندر مودی کل (منگل) رات جھارکھنڈ کی راجدھانی رانچی پہنچے۔ رانچی میں ان کا پرتپاک استقبال کیا گیا۔ وزیراعظم کے استقبال کے لیے سڑکوں پر لوگوں کا ہجوم امڈ پڑا۔ وزیراعظم نے رات کو ہی ایکس پر اظہار تشکر کرتے ہوئے خوشی کا اظہار کیا۔ انہوں نے کہا، رانچی میں اتنی رات جس طرح سے بڑی تعداد میں میرے خاندان کے لوگوں نے آکر اپنا آشیرواد دیا، وہ مسحور کرنے والا ہے۔ وزیر اعظم آج بھی جھارکھنڈ میں ہیں۔
دریں اثنا، آج (بدھ) کی صبح وزیر اعظم مودی نے بھیا دوج پر ہم وطنوں کو مبارکباد دی۔ وزیر اعظم نے اس موقع پر کہا ہے کہ بھائی دوج ایک تہوار ہے جو بھائی اور بہن کے مقدس رشتے کی علامت ہے۔ اس پرمسرت موقع پر ملک بھر میں آپ کے اہل خانہ کو دلی مبارکباد۔ اس کے علاوہ وزیر اعظم مودی نے جھارکھنڈ کے عوام کو یوم تاسیس پر مبارکباد دیتے ہوئے ریاست کے روشن مستقبل کی خواہش ظاہر کی ہے۔
انہوں نے کہا کہ جھارکھنڈ اپنے معدنی وسائل کے ساتھ ساتھ قبائلی سماج کی ہمت، بہادری اور عزت نفس کے لیے بھی مشہور ہے۔ یہاں کے میرے خاندان کے افراد نے ملک کی ترقی میں اہم کردار ادا کیا ہے۔ میں ریاست کے یوم تاسیس پر انہیں اپنی نیک خواہشات پیش کرتا ہوں۔ وزیر اعظم نے بھگوان برسا منڈا کو ان کے یوم پیدائش پر خراج عقیدت پیش کیا۔ انہوں نے کہا ہے کہ اس خاص موقع سے متعلق یوم قبائلی فخر کے موقع پر ملک بھر میں میرے اہل خانہ کو بہت سی نیک خواہشات۔ قابل ذکر ہے کہ وزیر اعظم مودی آج جھارکھنڈ میں ہیں۔ وہ بھگوان برسا منڈا کے جائے پیدائش بھی جائیں گے۔
ہندوستھان سماچار
/شہزاد
