امپھال، 17 جنوری (ہ س)۔ منی پور پولیس نے ریاست کے امپھال ویسٹ، امپھال ایسٹ، بشنو پور، کانگپوکپی اور تھوبل اضلاع کے حساس اوردشوار گزار علاقوں میں سخت چھاپے ماری اور تلاشی کارروائیاں کیں۔
مہم کے دوران تعزیرات ہند (قانون سازی کے تحتترمیم شدہ انڈین پینل کوڈ) کی مختلف دفعات کی خلاف ورزی کے سلسلے میں 242 افراد کو حراست میں لیا گیا۔ پولیس نے آج کہا کہ ضروری اشیا کے ساتھ قومی شاہراہ نمبر 37 پر 218 گاڑیوں اور قومی شاہراہ نمبر 2 پر 296 گاڑیوں کی آمدورفت کو یقینی بنایا گیا ہے۔
گاڑیوں کی آزادانہ اور محفوظ نقل و حرکت کو یقینی بنانے کے لیے تمام حساس مقامات پر سخت حفاظتی اقدامات کیے گئے ہیں۔ حساس علاقوں میں سیکورٹی فورسز کو بڑے پیمانے پر تعینات کیا گیا ہے۔ پولیس نے کہا کہ منی پور کے مختلف اضلاع میں پہاڑیوں اور وادی دونوں میں 140 چوکیاں اور چیک پوسٹیں قائم کی گئی ہیں۔
ہندوستھان سماچار
