بیگوسرائے، 2 جنوری(ہ س)۔
بہار کے بیگوسرائے میں زبردست آگ لگی ہے۔ آتشزدگی کے اس واقعہ میں ایک ہی خاندان کے 4 افراد زندہ جل گئے۔حالانکہ اب تک صرف دو افراد کی لاشیں نکالی جاسکی ہیں۔ اہل خانہ کے مطابق متوفی خاتون حاملہ تھی اور رواں ماہ بچے کو جنم دینی والی تھی۔ واقعہ ضلع کے بچھواڑہ تھانہ علاقے کے اروا پنچایت کے وارڈ نمبر 8 میں پیش آیا ۔
اہل خانہ کے مطابق رات کو جب سب سو رہے تھے تو شارٹ سرکٹ کے باعث گھر میں آگ لگ گئی۔ دونوں بچوں کو بچانے کی کوشش میں میاں بیوی بھی آگ کی زد میں آگئے۔ مرنے والوں میں نیرج پاسوان ( 33)، کویتا دیوی ( 25) اور ان کے دو چھوٹے بچے لو ( 5) اور کش ( 3) شامل ہیں ۔ اس کے ساتھ ہی آس پاس کی کئی جھونپڑیاں بھی آگ کی زد میں آگئی ہیں۔ جس کے باعث کئی بکریاں اور دیگر سامان جل کر راکھ ہو گیا۔
واقعہ کے بارے میں متوفی نیرج کے والد رام کمار پاسوان نے کہا کہ واقعہ کے وقت وہ گھر پر نہیں تھے۔ وہ بہیار گئے ہوئے تھے کہ اسے اطلاع ملی کہ گھر میں شارٹ سرکٹ کے باعث آگ لگ گئی۔ اس نے بتایا کہ اس واقعہ میں اس کا بڑا بیٹا ، اس کی بیوی اور دونوں بچے موقع پر ہی جاں بحق ہوگئے۔
اس دوران آگ لگنے کی اطلاع ملتے ہی پولیس اور فائر بریگیڈ کی ٹیم موقع پر پہنچی تو سب کچھ جل کر راکھ ہوگیا۔ بڑی کوشش کے بعد آگ پر قابو پالیا گیا۔ اب تک پولیس کو صرف دو لاشیں ملی ہیں۔ دونوں میاں بیوی بتائے جاتے ہیں۔
مقامی لوگوں کا کہنا ہے کہ آگ کے شعلے اتنے شدید تھے کہ کچھ ہی دیر میں پورا گھر جل کر خاکستر ہوگیا۔ ہم لوگ وزیر اعلیٰ اور مقامی حکام سے مطالبہ کرتے ہیں کہ متاثرہ خاندان کی مالی مدد کی جائے۔
ہندوستھان سماچار/ افضل/محمد
