اسلام آباد، 7 نومبر (ہ س)۔ پاکستان کے صوبہ سندھ کے ضلع گھوٹکی کے اوباورو قصبے میں تین قبائلی گروپوں کے درمیان فائرنگ کے تبادلے کے بعد مسلح گروہوں کے خلاف پولیس اور رینجرز کے مشترکہ آپریشن کے دوران کم از کم 15 افراد ہلاک ہو گئے۔
پولیس کے حوالے سے مختلف اخبارات میں جمعہ کو یہ اطلاع دی گئی۔
دریں اثنا، پولیس کے مطابق، اوباورو میں تین قبائلی گروپوں کے درمیان مسلح تصادم کے بعد پولیس اور رینجرز کا مشترکہ آپریشن جاری ہے۔ اطلاعات کے مطابق فائرنگ کے تبادلے میں ایک پولیس اہلکار بھی مارا گیا۔ فائرنگ کے تبادلے میں سیلرا اور ڈونڈو قبائل کے 6 افراد جاں بحق جب کہ 2 زخمی ہوگئے۔
پولیس حکام نے بتایا کہ آپریشن کے دوران شار قبیلے کے نو افراد مارے گئے۔ ان کا کہنا تھا کہ مرنے والوں میں سے سات کی لاشیں اسپتال میں رکھی گئی ہیں، جب کہ باقی لاشوں کو نکالنے کی کوششیں جاری ہیں۔ حکام نے بتایا کہ علاقے میں آپریشن جاری ہے، اور مسلح گروپوں کے خلاف ایک جامع کریک ڈاؤن شروع کرنے کے لیے اضافی فورسز کو تعینات کیا جا رہا ہے۔
—————
ہندوستان سماچار / عبدالسلام صدیقی
