میگا اسٹار سلمان خان اور کترینہ کیف ہندوستانی سنیما کی تاریخ کی سب سے بڑی آن اسکرین جوڑی ہیں۔ انہوں نے تاریخی بلاک بسٹر اور ڈانس نمبر دیے ہیں جو نسل در نسل سنے جاتے ہیں۔ آن اسکرین جوڑا ایک بار پھر آدتیہ چوپڑا کی ٹائیگر 3 میں واپس آیا ہے جو وائی آر ایف جاسوس کائنات سے ان کے مشہور کرداروں ، سپر ایجنٹوں ٹائیگر اور زویا کو دوبارہ پیش کر رہا ہے۔ٹائیگر 3 کے پہلے ٹریک کا گزشتہ ہفتے سے بہت انتظار کیا جا رہا تھا اور آج پارٹی ٹریک ’ لے کے پربھو کا نام‘ ریلیز کر دیا گیا ہے۔ اس گانے سے توقعات بہت زیادہ ہیں ، کیونکہ آخری بار دونوں سپر اسٹارز نے ایک ساتھ ڈانس کیا تھا ٹائیگر زندہ ہے کے گانے سواگ سے سواگت میں ، جو اس سال کا سب سے بڑا گانا بن گیا۔
اس لائیو ڈانس ٹریک میں سلمان اور کترینہ کی ناقابل یقین کیمسٹری نظر آتی ہے۔ دونوں بہت خوبصورت لگ رہے ہیں ، موسیقی پریتم نے ترتیب دی ہے جبکہ گانے کے بول امیتابھ بھٹاچاریہ نے لکھے ہیں۔ لے کے پربھو کا نام (ہندی ورژن) کو اریجیت سنگھ اور نکھیتا گاندھی نے گایا ہے۔ تامل اور تیلگو ورژن بینی دیال اور انوشا منی نے گائے ہیں۔ لے کے پربھو کا نام کو بڑے پیمانے پر فلمایا گیا ہے۔ ستاروں اور ٹیم نے کیپاڈوشیا ، ترکی میں غیر ملکی مقامات کا سفر کیا۔ سواگت سے سواگت کی کوریوگرافی کرنے والی کوریوگرافر ویبھاوی مرچنٹ نے ایک بار پھر سلمان اور کترینہ کو ڈانس کر دیا ہے۔منیش شرما کی ہدایت کاری میں بننے والی وائی آر ایف اسپائی یونیورس فلم ، ٹائیگر 3، دیوالی ، اتوار ، 12 نومبر کو ریلیز ہونے کے لیے تیار ہے۔
ہندوستھان سماچارمحمدخان
