رنبیر کپور کی بہت چرچی فلم ‘اینیمل ‘ نے کمائی کے معاملے میں باکس آفس پر دھوم مچا دی ہے۔ سندیپ ریڈی وانگا کی ہدایت کاری میں بنی اس فلم میں رنبیر ایک پرتشدد لک میں نظر آ رہے ہیں۔ شائقین میں اس فلم کا جنون دیکھا جا رہا ہے۔ فلم ‘اینیمل’ نے چھٹے دن 30 کروڑ روپے کما لیے ہیں۔ چھ دنوں میں فلم نے ہندوستان میں 312.96 کروڑ روپے اور دنیا بھر میں 526.6 کروڑ روپے کمائے ہیں۔
رواں ماہ کی یکم تاریخ کو ریلیز ہونے والی فلم ‘اینیمل’ میں رنبیر کے ساتھ رشمیکا مندھانا، انل کپور، بوبی دیول، شکتی کپور، ترپتی ڈمری بھی اہم کرداروں میں ہیں۔ فلم نے ریلیز کے پہلے دن ہی زبردست کمائی کی تھی ۔
فلم ‘اینیمل’ کو دیکھنے کے لیے شائقین کا ہجوم سینما گھروں میں نظر آ رہا ہے ۔ کئی مقامات پر سینما گھروں کے باہر ہاوس فل بورڈز لگا دیے گئے ہیں۔ ‘اینیمل ‘ نے شو سے پہلے ہی ایڈوانس بکنگ سے کافی منافع کمایا تھا۔ فلم نے ہندوستان کے علاوہ بیرونی ممالک میں بھی زبردست منافع کمایا ہے۔ ‘اینیمل ‘ کو ریلیز ہوئے چھ دن ہو چکے ہیں۔ اس فلم کی کمائی دن بہ دن بڑھ رہی ہے۔
’سیکنلک‘ کی ابتدائی ٹرینڈ رپورٹ کے مطابق ‘اینیمل ‘ نے پہلے دن دنیا بھر میں 100 کروڑ روپے کا بزنس کیا ہے جب کہ بھارت میں فلم نے 63.8 کروڑ روپے کا بزنس کیا ہے۔ دوسرے دن 66.27 کروڑ روپے، تیسرے دن 71.46 روپے، چوتھے دن 43.96 روپے، پانچویں دن 37.47 روپے اور چھٹے دن 30 کروڑ روپے کمائے۔ چھ دنوں میں، فلم نے ہندوستان میں 312.96 کروڑ روپے اور دنیا بھر میں 526.6 کروڑ روپے کا کلیکشن کیا ہے۔
فلم کی ریلیز ہونے کے بعد چھٹے دن کمائی کے معاملے میں ‘اینیمل ‘ نے شاہ رخ خان کی ‘پٹھان’، ‘جوان’ اور پربھاس کی ’باہوبلی-2‘ کو پیچھے چھوڑ دیا ہے۔ ‘پٹھان’ نے ریلیز کے چھٹے دن 25.5 کروڑ روپے جبکہ ‘جوان’ نے چھٹے دن 24 کروڑ روپے کمائے تھے۔ ’باہوبلی 2‘ نے چھٹے دن 26 کروڑ روپے کمائے۔ کمائی کو دیکھا جائے تو یہ رنبیر کے کیریئر کی سب سے زیادہ کمائی کرنے والی فلم بن گئی ہے۔
ہندوستھا ن سماچار
