پانی سے بھرے گڑھے میں ملی چھوٹے بھائی کی لاش، بڑا بھائی ریلوے گمٹی کے قریب زخمی ملا
بیگوسرائے، 30 نومبر(ہ س)۔ بیگوسرائے میں مجرمانہ وارداتوں کا سلسلہ جاری ہے۔ جمعرات کے روز بھی دو دن سے لاپتہ نوجوان کی لاش پانی سے بھرے گڑھے سے برآمد ہوئی۔ واقعہ بیگوسرائے ریلوے گودام کے سامنے لوہیا نگر اسسٹنٹ تھانہ علاقہ واقع گڑھے کا ہے۔
متوفی کی شناخت میونسپل کارپوریشن علاقہ کے وارڈ نمبر 4 2 باگھا رہائشی فیکن مہتو کے بیٹے گوند کمار کے طور پر کی گئی ہے۔ واقعے کا سب سے سنسنی خیز پہلو یہ ہے کہ گووند کی لاش پانی سے بھرے گڑھے سے برآمد ہوئی ہے۔ وہیں اس کے بڑے بھائی گوتم کمار کو لوہیا نگر گمٹی کے قریب سے نازک حالت میں برآمد کیا گیا ہے۔
واقعہ کے بارے میں متوفی کے والد فیکن مہتو نے بتایا کہ گووند پاور ہاؤس چوک پر پان کی دکان چلاتا ہے۔ 27 نومبر کی رات محلے میں ایک لڑکی کی شادی کی ہلدی تقریب چل رہی تھی۔ اسی دوران تین نوجوان گووند کو بلاکر لے گئے۔ کافی دیر بعد بھی وہ واپس نہیں آیا تو اس کی تلاش کی گئی لیکن اس کا کچھ پتہ نہیں چلا۔ اس کے بعد واقعہ کی اطلاع لوہیا نگر اسسٹنٹ تھانہ کو دی گئی۔
اطلاع ملتے ہی لوہیا نگر تھانہ انچارج سمیت پولیس ٹیم نے جانچ شروع کردی۔ اس دوران موصول ہونے والی ان پٹ کی بنیاد پر دو نوجوانوں کو حراست میں لے لیا گیا۔ مال گودام کے سامنے گڑھے کے قریب سے ایک چاقو اور کچھ کپڑے برآمد ہوئے۔ حراست میں لیے گئے نوجوانوں سے پوچھ گچھ کی بنیاد پر پانی میں تلاش شروع کر دی گئی۔
بدھ کے روز ایس ڈی آر ایف کی ٹیم نے پانی سے بھرے گڑھے میں بھی تلاش کی، لیکن کچھ نہیں ملا۔ جمعرات کی صبح جب کچھ لوگ گڑھے کی طرف گئے تو انہوں نے گووندکی لاش پانی میں تیرتی دیکھی۔ اسی دوران فیکن مہتو کو اطلاع ملی کہ ان کے بڑے بیٹے کے ساتھ بھی مارپیٹ کر کے لوہیا نگر نگر گمٹی کے قر یب پھینک دیا گیا ہے۔ بڑے بیٹے کو انہوں نے علاج کے لئے اسپتال میں داخل کرایا ہے۔
فی الحال لوہیا نگر اسسٹنٹ تھانہ انچارج امرجیت پرتاپ سنگھ نے پوسٹ مارٹم کے بعد لاش کو لواحقین کے حوالے کر دی ہے اور معاملے کی مکمل جانچ جاری ہے۔ تحقیقات کے بعد ہی پتہ چلے گا کہ گووند کی لاش پانی سے بھرے گڑھے میں کن حالات میں اور کیوں ملی۔ جبکہ اس کا بڑا بھائی زخمی حالت میں بازیاب ہو گیا ہے۔ اس واقعہ کے بعد لوگوں میں کافی نارا ضگی ہے۔
ہندوستھان سماچار/ افضل
/شہزاد
