باغپت، 23 اکتوبر (ہ س)۔ باغپت ضلع کی چاندی نگر پولیس نے ایک انکاؤنٹر میں 15,000 روپئے کے انعامی مجرم کو گرفتار کیا ہے جبکہ اس کا ایک ساتھی موقع سے فرار ہوگیا ہے۔ پولیس دوسرے بدمعاش کی تلاش کر رہی ہے۔
پولیس سپرنٹنڈنٹ نے کالو ولد جلے سنگھ پر 15000 روپے کے انعام کا اعلان کیا تھا ۔ وہ ضلع کے کئی تھانوں کے علاقوں میں چوری کی وارداتیں انجام دئ چکا ہے۔ کلّو کے خلاف بنولی، بلینی، چاندی نگر، بڑوت پولس تھانوں بشمول باغپت پولیس اسٹیشن میں نو مجرمانہ معاملے درج ہیں۔ ضلع پولیس مہینوں سے کالو کی تلاش کر رہی تھی۔ چاندی نگر پولس تھانہ انچارج راجندر سنگھ نے بتایا کہ وہ اتوار کی رات دیر گئے گھولی پیاؤ چوکی علاقے میں ٹیم کے ساتھ چیکنگ کر رہے تھے۔ اسی دوران موٹر سائیکل پر دو مشتبہ افراد نظر آئے۔ رکنے کا اشارہ کیا گیا تو انہوں نے پولیس پر فائرنگ کی اور بھاگنے کی کوشش کی۔ جوابی فائرنگ سے ایک بد معاش زخمی جبکہ دوسرا ساتھی فرار ہو گیا۔ گرفتار مجرم کالو سے ایک پستول، کارتوس، 1500 روپے اور ایک موٹر سائیکل برآمد کی گئی ۔ فرار ہونے والے ساتھی کا نام انکور ولد اوم پرکاش ہے ۔
پولیس کا کہنا ہے کہ کالو پیشہ ور مجرم ہے۔ باغپت شہر میں رہتا ہے۔ ضلع کے کئی تھانہ علاقوں میں کسانوں کے ٹیوب ویلوں پر چوری کی وارداتیں ہو رہی ہیں۔ پولیس کافی دنوں سے اس کی تلاش میں تھی۔
ہندوستھان سماچار//سلام
