ممبئی میں نیو روشن ٹاکیز کو منہدم کر کے بیچنے والا اقبال مرچی کا قریبی عبدالقادر گرفتار

ممبئی، 7

اگست (ہ س)۔ ڈرگ

اسمگلر مرحوم اقبال مرچی کے قریبی ساتھی اور پڑوسی عبدالقادر کو وی پی روڈ پولیس

نے بدھ کے دن گرفتار کر لیا۔ گرفتاری انفورسمنٹ ڈائریکٹوریٹ (ای ڈی) کی شکایت پر

عمل میں آئی، جس میں الزام تھا کہ قادر نے مرچی کی ملکیت میں شامل نیو روشن ٹاکیز

پر غیر قانونی طور پر قبضہ کر کے اسے منہدم کر دیا اور 15 کروڑ روپے میں فروخت

کرنے کی کوشش کی، حالانکہ اسے علم تھا کہ ای ڈی نے 2020 میں منی لانڈرنگ کیس کے

تحت یہ اثاثہ ضبط کر رکھا تھا۔

قادر کے

خلاف ایف آئی آر منگل کو درج کی گئی، جس کے فوراً بعد پولیس نے کارروائی کرتے ہوئے

اسے ممبئی سے گرفتار کیا۔ بدھ کو عدالت میں پیشی کے بعد عدالت نے قادر کو 8 اگست

تک پولیس تحویل میں بھیج دیا۔

پولیس ذرائع کا کہنا ہے کہ ملزم نے کئی سال پہلے

روشن ٹاکیز کو اپنے نام منتقل کرایا تھا، جبکہ اس سے قبل مرچی کا بہنوئی مختار

پٹکا اس سینما ہال کا انتظام دیکھ رہا تھا، جو عالمی وبا کورونا کے آغاز تک جاری رہا۔

ای ڈی

کے حکام کے مطابق، جائیداد کے انہدام کا پتہ اس وقت چلا جب مرچی کے بیٹے نے ایک ٹریبونل

میں عرضی دائر کی جس میں تجاوزات ہٹانے اور ای ڈی سے ملکیت کے حصول کی درخواست کی

گئی۔ دسمبر 2023 میں جب ای ڈی افسران موقع پر پہنچے تو انہیں معلوم ہوا کہ سینما

پہلے ہی گرایا جا چکا ہے۔

ایجنسی

نے تفصیلی تحقیقات کے بعد عبدالقادر کے خلاف ثبوت جمع کیے اور پھر وی پی روڈ پولیس

اسٹیشن میں مقدمہ درج کرایا۔ پولیس کا کہنا ہے کہ قادر کے خلاف بھارتیہ نیائے

سہنتا (بی این ایس) کی متعدد دفعات کے تحت ایف آئی آر درج کی گئی ہے، جن میں دھوکہ

دہی، غیر قانونی مداخلت، قیمتی اثاثے میں تبدیلی یا اسے نقصان پہنچانے جیسے

الزامات شامل ہیں۔

ہندوستھان

سماچار

——————–

ہندوستان سماچار / جاوید این اے