چلتی ٹرین میں سوار ہونے کے دوران نوجوان کی موت
دھنباد، 11 جنوری (ہ س)۔ دھنباد اسٹیشن کے پلیٹ فارم نمبر ایک پر ٹرین میں سوار ہونے کے دوران ایک مسافر کی موت ہوگئی۔ مرنے والے مسافر کی شناخت راجو روانی کے طور پر کی گئی ہے۔ وہ نرسا کے چرکنڈا تھانہ علاقہ کا رہنے والا تھا۔
بتایا جاتا ہے کہ راجو روانی کسی کام سے دھنباد آیا تھا۔ کام مکمل کرنے کے بعد وہ بدھ کی دیر رات اسٹیشن پہنچا۔ پلیٹ فارم سے ٹرین کھل چکی تھی۔ وہ ٹرین پکڑنے کے لیے بھاگا۔ کچھ اور مسافر بھی ٹرین پکڑنے کے لیے دوڑ رہے تھے۔ کچھ مسافر ٹرین کو پکڑ کر اس میں سوار ہو گئے لیکن ٹرین میں سوار ہوتے وقت راجو پٹریوں کے درمیان گر گیا جس کی وجہ سے ٹرین کی زد میں آ کر اس کی موت ہو گئی۔
اس کے بعد موقع پر افراتفری مچ گئی۔ مسافروں نے اس حادثے کی اطلاع جی آر پی کو دی۔ اطلاع ملتے ہی جی آر پی کی ٹیم موقع پر پہنچی اور اسے اٹھا کر باہر لے گئی۔ لیکن تب تک اس کی موت ہوچکی تھی۔ جی آر پی نے لاش کو پوسٹ مارٹم کے لیے بھیج دیا ہے۔
ہندوستھان سماچار
/شہزاد
