نئی دہلی، 29 جولائی (ہ س)۔ صنعت اور اندرونی تجارت کے فروغ کے محکمے ( ڈی پی آئی آئی ٹی)، وزارت تجارت اور صنعت نے الیکٹرک گاڑیاں بنانے والی کمپنی ایتھر انرجی کے ساتھ ایک ابتدائی معاہدے پر دستخط کیے ہیں۔ اس کا مقصد الیکٹرک وہیکل (ای وی ) اور مینوفیکچرنگ سیکٹر میں اسٹارٹ اپس کے لیے نئے مواقع فراہم کرنا ہے۔
تجارت اور صنعت کی وزارت کے مطابق، ڈی پی آئی آئی ٹی کے جوائنٹ سکریٹری سنجیو سنگھ اور ایتھر انرجی کے شریک بانی اور چیف ایگزیکٹو آفیسر (سی ای او) ترون مہتا کی موجودگی میں مفاہمت نامے پر دستخط کیے گئے۔ یہ ایم او یو ڈیپ ٹیک اسٹارٹ اپس کو اسٹریٹجک رہنمائی فراہم کرے گا اور ای وی ویلیو چین میں اسٹارٹ اپس کے لیے انفراسٹرکچر سپورٹ فراہم کرے گا۔ اس معاہدے سے ای وی اور مینوفیکچرنگ سیکٹر میں اسٹارٹ اپس کے لیے نئے مواقع ملنے کی امید ہے۔ ہندوستان کے آب و ہوا اور صنعتی اہداف کے مطابق، مستقبل کے لیے خود انحصار اسٹارٹ اپس کے لیے ایک سازگار ماحول بنایا جائے گا۔
سنجیو سنگھ، جوائنٹ سکریٹری، ڈی پی آئی آئی ٹی، نے کہا کہ ایتھر انرجی کے ساتھ اس شراکت داری کے ذریعے، ہمارا مقصد ایک ایسے سازگار ماحول کی ترقی کو تیز کرنا ہے جہاں اسٹارٹ اپس ای وی مینوفیکچرنگ، بیٹری کی جدت اور صاف توانائی کے حل میں بامعنی شراکت کر سکیں۔
اس موقع پر ترون مہتا، ایتھر انرجی کے شریک بانی اور سی ای او نے کہا کہ ہمیں ہارڈ ویئر اور ڈیپ ٹیک اسٹارٹ اپس کو سپورٹ کرنے کے لیے مناسب نظام کو مضبوط بنانے کے مقصد کے ساتھ ڈی پی آئی آئی ٹی کے ساتھ تعاون کرنے پر خوشی ہے۔
سٹارٹ اپ پالیسی فورم کی صدر اور سی ای او شویتا راجپال کوہلی نے کہا کہ ڈی پی آئی آئی ٹی اور ایتھر انرجی کے درمیان یہ شراکت داری سٹارٹ اپ پالیسی فورم کے بلڈ ان انڈیا پہل کو زندہ کر رہی ہے۔ اس تعاون کے ذریعے ہندوستان کے مینوفیکچرنگ سیکٹر کی صلاحیت کو بروئے کار لانا عالمی سطح پر مسابقتی اختراع کے لیے سازگار ماحول پیدا کرنے کے لیے انتہائی اہم ہے۔
ہندوستھان سماچار
—————
ہندوستان سماچار / عبدالواحد
