نئی دہلی، 16 جنوری (ہ س)۔ گلوبل مارکیٹ سے آج کمزوری کے رجحانات نظر آ رہے ہیں۔ پیر کو امریکہ میں مارٹن لوتھر کنگ کے یوم پیدائش کی وجہ سے تعطیل تھی۔ اس لیے وال اسٹریٹ انڈیکس میں گزشتہ سیشن کے دوران کوئی تجارت نہیں ہوئی۔ تاہم، آج ڈاو¿ جونز فیوچرز کمزوری کے ساتھ تجارت کرتا دکھائی دے رہا ہے۔ گزشتہ سیشن کے دوران دباو میں کاروبار کے بعد یورپی مارکیٹسگراوٹ کے ساتھ بند ہوئے ۔ اسی طرح آج ایشیائی بازاروں میں بھی گراوٹ کا رجحان ہے۔
مسلسل فروخت کے باعث یورپی مارکیٹ کے تینوں بڑے انڈیکس گزشتہ سیشن کے دوران گراوٹ کے ساتھ بند ہوئے۔ ایف ٹی ایس ای انڈیکس 0.40 فیصد گر کر 7,594.91 پوائنٹس پر بند ہوا۔ اسی طرح، سی اے سی انڈیکس نے 0.72 فیصد کی کمزوری کے ساتھ 7,411.68 پوائنٹس کی سطح پر گزشتہ سیشن کے کاروبار کا اختتام کیا۔ اس کے علاوہ ڈی اے ایکس انڈیکس 0.50 فیصد کی کمی کے ساتھ 16,622.22 پوائنٹس کی سطح پر بند ہوا۔
ایشیائی بازاروں میں بھی آج فروخت کا دباو ہے۔ ایشیا کے 9بازاروں میں سے 8 کے انڈیکس کمی کے ساتھ سرخ رنگ میں کاروبار کر رہے ہیں، جبکہ صرف 1 انڈیکس اضافے کے ساتھ سبز رنگ میں ہے۔ جکارتہ کمپوزٹ انڈیکس اب تک کے کاروبار میں 0.41 فیصد چھلانگ لگا کر 7,253.52 پوائنٹس کی سطح پر پہنچ گیا ہے۔
دوسری طرفگفٹ نفٹی 0.24 فیصد کی کمزوری کے ساتھ 22,091 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس بھی 0.24 فیصد گر کر 3,191.65 پوائنٹس کی سطح پر پہنچ گیا۔ ابھی تک، نکیئی انڈیکس 254.27 پوائنٹس یعنی 0.71 فیصد تک پھسل کر 35,647.52 پوائنٹس کی سطح پرکاروبار کر رہا ہے۔ اسی طرح تائیوان ویٹڈ انڈیکس 119.37 پوائنٹس یعنی 0.68 فیصد کی کمزوری کے ساتھ 17,427.45 پوائنٹس کی سطح پر آگیا ہے۔ ہینگ سینگ انڈیکس بھی اس وقت 310.86 پوائنٹس یعنی 1.92 فیصد کی بڑی گراوٹ کے ساتھ 15,905.47 پوائنٹس کی سطح پرکاروبار کر رہا ہے۔ اسی طرح کوسپی انڈیکس 0.67 فیصد کی کمزوری کے ساتھ 2509.08 پوائنٹس کی سطح پر پہنچ گیا ہے۔ اس کے علاوہ سیٹ کمپوزٹ انڈیکس 0.26 فیصد گر کر 1,403.30 پوائنٹس کی سطح پر اور شنگھائی کمپوزٹ انڈیکس 0.63 فیصد گر کر 2,868.30 کی سطح پر کاروبار کر رہا تھا۔
ہندوستھان سماچار
