نئی دہلی ، 10
مرکزی خزانہ اور کارپوریٹ امور کی وزیر نرملا سیتا رمن نے ہفتہ کو کہا کہ املاک دانش کے حقوق (آئی پی آر) قانون نے ملک میں تحقیق اور ترقی کو تیزی سے فروغ دیا ہے۔ وزیر خزانہ نے کہا کہ یہ قانون ان لوگوں کو تحفظ فراہم کرتا ہے جو اختراعات کرتے ہیں۔نرملا سیتا رمن نے نئی دہلی میں پیٹنٹ قانون پر جسٹس پرتیبھا ایم سنگھ کی کتاب کے اجراءکے بعد اپنے خطاب میں یہ بات کہی۔ سیتا رمن نے کہا کہ ہم آئی پی آر قوانین کو آسان اور حوصلہ افزا بنانے کی کوشش کر رہے ہیں۔ وزیر خزانہ نے کہا کہ یہ قانون تحقیق اور ترقی کے عمل میں یقیناً کوئی رکاوٹ نہیں ہے۔ انہوں نے کہا کہ ہم نے بہت سے اقدامات کئے ہیں۔
اس سے پہلے سیتا رمن نے پیٹنٹ قانون پر جسٹس پرتیبھا ایم سنگھ کی لکھی کتاب کا اجرا کیا۔ اس موقع پر بات کرتے ہوئے وزیر خزانہ نے کہا کہ 2015 میں وزیر اعظم نریندر مودی کی قیادت والی حکومت نے ہندوستان میں انٹلیکچوئل پراپرٹی رائٹس (آئی پی آر) کو دیکھنے کے لیے ایک تھنک ٹینک قائم کیا۔ سیتارامن نے کہا کہ جسٹس پرتیبھا ایم سنگھ ، جو اس وقت جج نہیں تھیں ، ایک فعال رکن تھیں۔ انہوں نے بہت تعاون کیا اور نیشنل آئی پی آر پالیسی 2016 میں تیار کی گئی۔
جسٹس پرتیبھا ایم سنگھ کی پیٹنٹ لا لانچ تقریب میں آسٹریلیا کی فیڈرل کورٹ کے سابق جج ڈاکٹر اینابیل بینیٹ، انگلینڈ اینڈ ویلز کی کورٹ آف اپیل کے لارڈ جسٹس سر کولن برس اور یونیفائیڈ پیٹنٹ کے صدر کلاو¿س گرابنسکی نے بھی شرکت کی۔
یہ قابل ذکر ہے کہ پیٹنٹ قانون ہندوستان میں اختراعات کے تحفظ کے لیے ایک قانونی طریقہ کار ہے۔ دہلی ہائی کورٹ کی جج جسٹس پرتیبھا ایم سنگھ کی پیٹنٹ قانون پر نئی کتاب طویل اور محنت کے بعد سامنے آئی ہے۔ یہ کتاب پیٹنٹ سے متعلق معاملات سے نمٹنے والے وکلاءاور قانونی چارہ جوئی کے لیے بہت مددگار ثابت ہوگی۔ پیٹنٹ قانون ہمارے ملک میں اختراعات کے تحفظ کے لیے ایک قانونی طریقہ کار ہے۔
