گھریلو شیئر بازار کی تیزی پر لگا بریک، سینسیکس اورنفٹی سرخ نشان میں
نئی دہلی، 7 دسمبر (ہ س)۔ گھریلو شیئر بازار میں گزشتہ کاروباری ہفتے سے جاری تیزی کے رجحان پر آج بریک لگتا نظر آرہا ہے۔ منافع وصولی کے دباو میں آج حصص بازار سرخ نشان میں کاروبار کر رہا ہے۔ آج کے کاروبار کا آغاز ملا جلا رہا لیکن جیسے ہی بازار کھلا، فروخت کا دباو بن گیا۔ اس کی وجہ سے شیئر بازار کے دونوں انڈیکس سرخ نشان میں گر گئے۔ کاروبار کے پہلے گھنٹے کے بعد سینسیکس 0.37 فیصد اور نفٹی 0.32 فیصد کی گراوٹ کے ساتھ کاروبار کر رہے تھے۔
کاروبار کے پہلے گھنٹے کے بعد حصص بازار کے بڑے شیئروں میں آئشر موٹرس، اڈانی پورٹس، ڈاکٹر ریڈی لیبارٹریز، الٹرا ٹیک سیمنٹ اور پاور گرڈ کارپوریشن کے حصص 2.02 فیصد سے لیکر 1.29 فیصد کی مضبوطی کے ساتھ کاروبار کر رہے تھے۔ دوسری طرف او این جی سی، ہندوستان یونی لیور، بھارتی ایرٹیل، آئی سی آئی سی آئی بینک اور ہنڈالکو انڈسٹریز کے حصص 2.50 فیصد سے لیکر 0.86 فیصد کی گراوٹ کے ساتھ کاروبار کرتے ہوئے نظر آرہے تھے۔
ابھی تک کے کاروبار میں حصص بازار میں 2,018 شیئروں میں ایکٹو ٹریڈنگ ہورہی تھی۔ ان میں سے 1,150 حصص منافع کما کر سبز نشان میں جبکہ 868 حصص خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 حصص میں سے 12 حصص خریداری کی حمایت کے ساتھ سبز نشان میں کاروبار کر رہے تھے۔ دوسری جانب فروخت کے دباو کے باعث 18 حصص سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 26 شیئر سبز نشان میں اور 24 شیئر سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 40.42 پوائنٹس کے اضافے کے ساتھ 69,694.15 پوائنٹس کی سطح پر کھلا۔ کاروبار شروع ہوتے ہی فروخت کے دباو کی وجہ سے یہ انڈیکس 69,320.53 پوائنٹس تک گر گیا۔ تاہم اس کے بعد خریداروں نے خریداری کی کوششیں کیں اور ایک بار پھر سینسیکس کو 69,695.33 پوائنٹس کی سطح پر لے گئے۔ اس کے بعد دوبارہ فروخت کے دباو کی وجہ سے اس انڈیکس نے دوبارہ سرخ نشان پر تجارت شروع کر دی۔ بازار میں مسلسل خرید و فروخت کے درمیان پہلے گھنٹے کے کاروبار کے بعد صبح 10:15 بجے سینسیکس 258.52 پوائنٹس کی گراوٹ کے ساتھ 69,395.21 پوائنٹس کی سطح پر کاروبار کر رہا تھا۔
سینسیکس کے برعکس این ایس ای کے نفٹی نے آج 5.30 پوائنٹس کی کمزوری کے ساتھ 20,932.40 پوائنٹس پر تجارت شروع کی۔ بازار کھلتے ہی فروخت کنندگان نے دباو بنایا جس کی وجہ سے انڈیکس 20,850.80 پوائنٹس تک گر گیا۔ تاہم اس کے بعد خریداروں نے ایک بار پھر خریداری کا زور بنایا اور اس انڈیکس کو سبز نشان میں 20,941.25 پوائنٹس پر لے گئے حالانکہ اس کے بعد دوبارہ فروخت کے دباو کی وجہ سے یہ انڈیکس دوبارہ سرخ نشان پر پہنچ کر کاروبارکرنے لگا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے نفٹی 67.20 پوائنٹس کی کمزوری کے ساتھ 20,870.50 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
