شیئر بازار پر فروخت کا زبردست دباو، سرخ نشان میں سینسیکس اور نفٹی
نئی دہلی، 31 اکتوبر (ہ س)۔ ملے جلے عالمی اشاروں کے درمیان آج گھریلو شیئر بازار دباو میں کاروبار کرتا ہوا نظر آرہا ہے۔ آج کے کاروبار کی شروعات مضبوطی کے ساتھ ہوئی، لیکن بازار کھلتے ہی فروخت کا چوطرفہ دباو بن جانے کی وجہ سے سینسیکس اور نفٹی دونوں انڈیکس نے سرخ نشان میں غوطہ لگا دیا۔ تاہم، خریداروں نے کئی بار خریداری کا زور بنانے کی کوشش کی۔ اس کے باوجود حصص بازار سرخ نشان میں ہی برقرار رہا۔ کاروبار کے پہلے گھنٹے کے بعد سینسیکس 0.20 فیصد اور نفٹی 0.21 فیصد کی کمزوری کے ساتھ کاروبار کر رہے تھے۔
شروعاتی ایک گھنٹے کا کاروبار ہونے کے بعد شیئر بازار کے بڑے شیئروں میں سے ایس بی آئی لائف انشورنس، ڈاکٹر ریڈیز لیبارٹریز، ٹاٹا موٹرس، ایچ ڈی ایف سی لائف اور اپولو ہاسپٹل کے حصص 2.29 فیصد سے لیکر 0.79 فیصد کی مضبوطی کے ساتھ کاروبار کر رہے تھے۔ دوسری طرف او این جی سی، سن فارماسیوٹیکل، مہندرا اینڈ مہندرا، برٹانیہ اور بھارتی ایئرٹیل کے حصص 1.24 فیصد سے لیکر 0.84 فیصد کی گراوٹ کے ساتھ کاروبارکرتے نظر آرہے تھے۔
ابھی تک کے کاروبار میں حصص بازار میں 2001 شیئروں میں ایکٹو ٹریڈنگ ہورہی تھی۔ ان میں سے 1447 حصص منافع کما کر سبز نشان میں کاروبار کر رہے تھے، جبکہ 554 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 12 شیئرس خرید کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 18 حصص سرخ نشان میں کاروبار کر رہے تھے جبکہ نفٹی میں شامل شیئروں میں سے 23 حصص سبز نشان میں اور 27 حصص سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 337 پوائنٹس کے اضافے کے ساتھ 64,449.65 پوائنٹس کی سطح پر کھلا۔ کاروبار شروع ہوتے ہی بازار میں فروخت کا دباو بن گیا، جس کی وجہ سے انڈیکس تیزی سے نیچے کی طرف گرنے لگا۔ مسلسل فروخت کے باعث یہ انڈیکس ٹریڈنگ کے پہلے گھنٹے میں 64 ہزار پوائنٹس کی سطح سے نیچے چلا گیا۔ بازار میں لگاتار خرید و فروخت کے درمیان پہلے ایک گھنٹے کی تجارت کے بعد صبح سوا دس بجے سینسیکس 130.51 پوائنٹس کی کمزوری کے ساتھ 63,982.14 پوائنٹس کی سطح پر کاروبار کر رہا تھا۔
سینسیکس کی طرح، این ایس ای کے نفٹی نے بھی آج 92.05 پوائنٹس کے اضافے کے ساتھ 19,232.95 پوائنٹس پر تجارت شروع کی۔ بازار کھلتے ہی فروخت کے دباو کی وجہ سے یہ انڈیکس بھی تیزی سے گرگیا۔ یہ انڈیکس ابتدائی تجارت میں ہی 19,094.15 پوائنٹس کی سطح پر پہنچ گیا۔ حالانکہ خریداروں نے بھی وقتاً فوقتاً خریداری کا زور بنا کر بازار کو سہارا دینے کی کوشش کی۔ اس کے باوجود یہ انڈیکس سرخ نشان میں برقرار رہا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح سوا دس بجے بجے نفٹی 39.25 پوائنٹس کی گراوٹ کے ساتھ 19,101.65 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
