گھریلو شیئر بازار میں تیزی کا ماحول، سینسیکس – نفٹی میں اضافہ
نئی دہلی، 4 جنوری (ہ س)۔ کمزور عالمی رجحانات کے باوجود گھریلو شیئر بازار میں آج تیزی کا ماحول دکھائی دے رہا ہے۔ آج کی تجارت کا آغاز مضبوطی کے ساتھ ہوا۔ حالانکہ ابتدائی ٹریڈنگ میں فروخت کا دباو بھی بنا۔ لیکن کچھ دیر کے بعد خریداروں نے خریداری کا زوربنا کرشیئر بازار میں تیزی لا دی۔ کاروبار کے پہلے ایک گھنٹے کے بعد سینسیکس 0.61 فیصد اور نفٹی 0.55 فیصد کے اضافے کے ساتھ کاروبار کر رہے تھے۔
شروعاتی ایک گھنٹے کے کاروبار کے دوران حصص بازار کے بڑے شیئروں میں سے بجاج فائنانس، این ٹی پی سی، بجاج فنسرو، ٹاٹا کنزیومر پروڈکٹس اور اڈانی پورٹس کے شیئرس 3.85 فیصد سے لیکر 1.62 فیصد کے اضافے کے ساتھ کاروبار کر رہے تھے۔ دوسری طرف بی پی سی ایل، بجاج آٹو، ڈیویز لیبارٹریز، ایچ سی ایل ٹیکنالوجی اور ہیرو موٹو کارپ کے شیئرس 1.76 فیصد سے لیکر 0.88 فیصد کی کمزوری کے ساتھ کاروبار کرتے نظر آرہے تھے۔
ابھی تک کے کاروبار میں حصص بازار میں 2,075 شیئروں میں ایکٹیوو ٹریڈنگ ہورہی تھی۔ ان میں سے 1,596 حصص منافع کماکر سبز نشان میں جبکہ 479 حصص خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 حصص میں سے 20 حصص خرید کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 10 حصص سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 29 شیئر سبز نشان میں اور 21 شیئر سرخ نشان میں کاروبار کرتے نظر آرہے تھے۔
بی ایس ای کا سینسیکس آج 322.33 پوائنٹس کی چھلانگ کے ساتھ 71,678.93 پوائنٹس پر کھلا۔ کاروبار شروع ہوتے ہی فروخت کا دباو بن گیا جس کی وجہ سے انڈیکس گر کر 71,546.60 پوائنٹس کی سطح پر پہنچ گیا۔ لیکن اس کے بعد خریداروں نے خریداری کا زور بنا دیا جس کی وجہ سے یہ انڈیکس تقریباً 450 پوائنٹس کی چھلانگ لگا کر 71,794.56 پوائنٹس پر پہنچ گیا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 433.62 پوائنٹس کی مضبوطی کے ساتھ 71,790.22 پوائنٹس پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 88.45 پوائنٹس کے اضافے کے ساتھ 21,605.89 پوائنٹس پر تجارت شروع کی۔ ابتدائی تجارت میں فروخت کے باعث یہ انڈیکس بھی 21,564.55 پوائنٹس تک گر گیا۔ لیکن اس کے بعد خریداری کا زور بن جانے کی وجہ سے یہ انڈیکس بھی 21,638.30 پوائنٹ تک بڑھ گیا۔ بازار میں پہلے ایک گھنٹے کی مسلسل خرید و فروخت کے بعد صبح 10:15 بجے نفٹی 119.20 پوائنٹس کی مضبوطی کے ساتھ 21,636.55 پوائنٹس پر کاروبار کر رہا تھا۔
ہندوستھان سماچار
/شہزاد
