نئی دہلی، 24 جنوری (ہ س)۔ گلوبل مارکیٹ سے آج ملے- جلے رجحانات نظر آ رہے ہیں۔ گزشتہ تجارتی سیشن کے دوران امریکی بازارمضبوطی کے ساتھ کاروبار کے بعد ملے -جلے نتائج کے ساتھ بند ہوئے۔ تاہم، ڈاو¿ جونز فیوچرز آج فائدہ کے ساتھ کاروبار کر رہا ہے۔ اس کے ساتھ ساتھ گزشتہ سیشن کے دوران یورپی مارکیٹ میں مسلسل دباو رہا۔ ایشیائی بازاروں میں بھی آج ملا- جلا کاروبار دیکھا جا رہا ہے۔
کمپنیوں کے اچھے نتائج کی وجہ سے گزشتہ سیشن کے دوران امریکی مارکیٹ میں جوش و خروش قائم رہا۔ تاہم سیشن کے آخری دور میں فروخت کے دباو کی وجہ سے ڈاو جونز 0.25 فیصد گراوٹ کے ساتھ بند ہوا۔ دوسری جانب ایس اینڈ پی 500 انڈیکس نے گزشتہ سیشن کے کاروبار کا اختتام 0.29 فیصد اضافے کے ساتھ 4,864.60 پوائنٹس پر کیا۔ اسی طرح نیس ڈیک 0.43 فیصد کی مضبوطی کے ساتھ 15,425.94 پوائنٹس کی سطح پر بند ہوا۔ آج ڈاو جونز فیوچرز 0.09 فیصد اضافے کے ساتھ 37,940.98 پوائنٹس کی سطح پر تجارت کر رہا ہے۔
گزشتہ سیشن کے دوران یورپی مارکیٹ میں مسلسل دباو رہا جس کی وجہ سے تینوں انڈیکس گر کر سرخ رنگ میں بند ہوئے۔ ایف ٹی ایس ای انڈیکس 0.03 فیصد کی کمزوری کے ساتھ 7,485.73 پوائنٹس پر بند ہوا۔ اسی طرح سی اے سی انڈیکس نے 0.34 فیصد ٹوٹ کر گزشتہ سیشن کا کاروبار 7,388.04 پوائنٹس کی سطح پر ختم کیا۔ اس کے علاوہ ڈی اے ایکس انڈیکس 0.34 فیصد کی کمی کے ساتھ 16,627.09 پوائنٹس کی سطح پر بند ہوا۔
ایشیائی بازاروں میں آج ملا- جلا کاروبار دیکھا گیا۔ ایشیا کے 9 بازاروں میں سے 5 کے انڈیکس تیزی کے ساتھ سبز نشان میںکاروبار کر رہے ہیں، جبکہ 4 انڈیکس کمی کے ساتھ سرخ نشان میں ہیں۔ نکیئی انڈیکس 359.89 پوائنٹس یعنی 1 فیصد کی کمزوری کے ساتھ 36,157.68 پوائنٹس کی سطح پر کاروبار کر رہا ہے۔ اسی طرح کوسپی انڈیکس 0.30 فیصد گر کر 2471.09 پوائنٹس کی سطح پر آ گیا ہے۔ اس کے علاوہ جکارتہ کمپوزٹ انڈیکس 0.50 فیصد کی کمی کے ساتھ 7,219.95 پوائنٹس کی سطح پر اور شنگھائی کمپوزٹ انڈیکس 0.15 فیصد کی کمی کے ساتھ 2,766.79 پوائنٹس کی سطح پر تجارت کرتا ہوا نظر آ رہا ہے۔
دوسری طرفگفٹ نفٹی 126.50 پوائنٹس یعنی 0.60 فیصد کے اضافے کے ساتھ 21,316.50 پوائنٹس کی سطح پر کاروبار کر رہا ہے۔ اسی طرح اسٹریٹس ٹائمز انڈیکس 0.23 فیصد اضافے کے ساتھ 3,142.60 پوائنٹس کی سطح پر پہنچ گیا ہے۔ ہینگ سینگ انڈیکس اس وقت 122.87 پوائنٹس یعنی 0.80 فیصد اضافے کے ساتھ 15,476.85 پوائنٹس کی سطح پر تجارت کر رہا ہے۔ اس کے علاوہ تائیوان ویٹڈ انڈیکس 0.23 فیصد اضافے کے ساتھ 17,914.93 پوائنٹس کی سطح پر اور سیٹ کمپوزٹ انڈیکس 0.46 فیصد اضافے کے ساتھ 1,362.76 پوائنٹس کی سطح پر کاروبار کر رہا ہے۔
ہندوستھان سماچار
