شروعاتی کاروبار میں دباومیں گھریلو شیئر بازار
نئی دہلی، 28 نومبر (ہ س)۔ ملے۔جلے عالمی اشاروں کے درمیان گھریلو شیئر بازار میں آج دباو میں کاروبار ہوتا نظر آرہا ہے۔ بازار کی شروعات آج معمولی اضافے کے ساتھ ہوئی۔ ابتدائی تجارت میں معمولی خریداری بھی ہوئی لیکن اس کے بعد فروخت کنندگان نے اپنا دباو بڑھا دیا۔ کاروبار کے پہلے ایک گھنٹے کے بعد سینسیکس 0.04 فیصد کی کمزوری کے ساتھ اور نفٹی 0.06 فیصد کے اضافے کے ساتھ کاروبار کرتے نظر آرہے تھے۔
شروعاتی ایک گھنٹے کے کاروبار کے بعد حصص بازار کے بڑے شیئروں میں اڈانی انٹرپرائزز، اڈانی پورٹس، بی پی سی ایل، ٹاٹا موٹرز اور ہنڈالکو انڈسٹریز کے شیئرس 6.76 فیصد سے لیکر 1.77 فیصد کے اضافے کے ساتھ کاروبار کر رہے تھے۔ دوسری طرف ایس بی آئی لائف انشورنس، ایچ سی ایل ٹیکنالوجی، ایل ٹی مائنڈ ٹری، ٹیک مہندرا اور ریلائنس انڈسٹریز کے شیئرس 0.99 فیصد سے لیکر 0.68 فیصد کی گراوٹ کے ساتھ کاروبار کرتے ہوئے نظر آرہے تھے۔
ابھی تک کے کاروبار میں حصص بازار میں 2,043 حصص میں ایکٹیو ٹریڈنگ ہورہی تھی۔ ان میں سے 1,233 شیئرس منافع کماکر سبز نشان میں جبکہ 810 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 19 شیئر خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو میں 11 شیئر سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 32 شیئر سبز نشان میں اور 18 شیئر سرخ نشان میں تجارت کرتے ہوئے نظر آرہے تھے۔
بی ایس ای کے سینسیکس نے آج 93.68 پوائنٹس کے اضافے کے ساتھ 66,063.72 پوائنٹس پر تجارت شروع کی۔ کاروبار شروع ہوتے ہی معمولی خریداری کی حمایت سے انڈیکس اچھل کر 66,098.80 پوائنٹس کی سطح پہنچ گیا۔ لیکن اس کے بعد بازار میں فروخت کے دباو کی وجہ سے یہ انڈیکس مسلسل گرتا رہا۔ حالانکہ خریداروں نے بھی وقفے وقفے سے خریداری کرکے بازار کو سہارا دینے کی کوشش کی لیکن فروخت کے دباو کی وجہ سے اس انڈیکس کی حرکت سرخ نشان میں برقرار رہی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 27.35 پوائنٹس کی کمزوری کے ساتھ 65,942.69 پوائنٹس کی سطح پر کاروبار کر رہا تھا۔
سینسیکس کی طرح این ایس ای کا نفٹی بھی آج 49.95 پوائنٹس کے اضافے کے ساتھ 19,844.65 پوائنٹس کی سطح پر کھلا۔ کاروبار کے آغاز میں ہوئی خریداری کی وجہ سے اس انڈیکس کی حرکت میں معمولی اضافہ ہوا جس کی وجہ سے یہ 19,848.05 پوائنٹس کی سطح پر پہنچ گیا۔ لیکن اس کے بعد فروخت کے دباو کی وجہ سے اس انڈیکس کی رفتار بھی سست پڑ گئی۔ حالانکہ یہ انڈیکس کاروبار کے پہلے گھنٹے میں سبز نشان میں رہا لیکن اس پر مسلسل دباو رہا۔ مارکیٹ میں لگاتار خرید و فروخت کے درمیان ابتدائی 1 گھنٹے کی تجارت کے بعد صبح 10:15 بجے نفٹی 12.80 پوائنٹس کے اضافے کے ساتھ 19,807.50 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
