نئی دہلی ۔ گزشتہ تین ہفتوں کی کمی کے بعد زرمبادلہ کے ذخائر میں اضافہ ہوا ہے۔ ملک کے زرمبادلہ کے ذخائر 3 مئی کو ختم ہونے والے ہفتے میں 3.67 بلین ڈالر بڑھ کر 641.59 بلین ڈالر تک پہنچ گئے۔ اس سے قبل 26 اپریل کو ختم ہونے والے ہفتے میں زرمبادلہ کے ذخائر 2.41 ارب ڈالر کم ہو کر 637.92 ارب ڈالر رہ گئے تھے۔
ریزرو بینک آف انڈیا (آر بی آئی ) نے جمعہ کو جاری کردہ اعداد و شمار میں کہا کہ غیر ملکی کرنسی اثاثے، جو کرنسی کے ذخائر کا ایک اہم حصہ سمجھے جاتے ہیں، 4.46 بلین ڈالر بڑھ کر 564.16 بلین ڈالر ہو گئے۔ اس عرصے کے دوران سونے کے ذخائر کی ریزرو ویلیو 653 ملین ڈالر کم ہو کر 54.88 بلین ڈالر رہ گئی ہے۔ آر بی آئی کے مطابق اسپیشل ڈرائنگ رائٹس (ایس ڈی آر) 2 ملین ڈالر بڑھ کر 18.05 بلین ڈالر تک پہنچ گیا۔ تاہم، اس مدت کے دوران بین الاقوامی مالیاتی فنڈڈ (IMF) کے پاس ہندوستان کے ذخائر 140 ملین ڈالر کم ہو کر 4.49 بلین ڈالر رہ گئے۔
یہ بات قابل ذکر ہے کہ کئی ہفتوں کی نمو کے بعد 5 اپریل کو ختم ہونے والے ہفتے میں ملکی زرمبادلہ کے ذخائر 648.56 بلین ڈالر کی نئی بلند ترین سطح پر پہنچ گئےہیں۔
