پٹنہ کے ڈاک بنگلہ چوراہے پر دہلی سے آئے تاجر کو بدمعاشوں نے ماری گولی
پٹنہ ۔ راجدھانی پٹنہ میں بدمعاشوں نے دہلی سے آئے سونا تاجر کو گولی مار دی اور اس کے ساتھ موجود بیگ کو لوٹ لیا۔ زخمی تاجر پٹنہ کے پی ایم سی ایچ میں زیر علاج ہے۔ عینی شاہدین کے مطابق موٹر سائیکل پر سوار تین نوجوانوں نے اس واردات کو انجام دیا۔ بیگ لوٹنے کے بعد موٹر سائیکل کے ساتھ فرار ہوگئے۔ پولیس معاملے کی تفتیش کر رہی ہے۔
بتایا جاتا ہے کہ سونے کے تاجر باپ۔بیٹا دہلی کے قرول باغ کے رہنے والے اپنے کاروبار کے سلسلے میں پٹنہ پہنچے تھے۔ انہوں نے ڈاک بنگلہ چوراہے پر واقع ہوٹل میں قیام کیا۔ ہوٹل سے نکل رہے تھے۔ اس دوران بیٹے کے ہاتھ میں بیگ تھا۔ وہاں پہلے سے گھات لگائے بدمعاشوں نے ان سے بیگ چھیننے کی کوشش کی۔ تاجر کے بیگ نہ دینے پر بدمعاشوں نے اس کے ہاتھ میں گولی مار دی۔ پھر وہ بیگ لے کر فرار ہو گئے۔ بتایا جاتا ہے کہ ایک مجرم پیدل فرار ہو گیا۔ دو ملزمین بیگ لے کر موٹر سائیکل پر فرار ہو گئے۔
واقعہ کی اطلاع ملنے کے بعد کوتوالی تھانہ پولیس، لاء اینڈ آرڈر ڈی ایس پی کرشن مراری پرساد اور سٹی ایس پی چندر پرکاش موقع پر پہنچے۔ معاملے کی تفتیش کی جا رہی ہے۔ آس پاس کی سی سی ٹی وی فوٹیج کی جانچ کی جا رہی ہے۔ ایف ایس ایل کو ڈاگ اسکواڈ ٹیم کے ساتھ طلب کر لیا گیا ہے۔ اہل علاقہ کے مطابق چھینا جھپٹی کا یہ سلسلہ کافی دیر تک جاری رہا۔ بیگ نہ دینے پر بدمعاشوں نے نوجوان کو گولی مار دی۔
