فلمساز سنجے لیلا بھنسالی کا نام ہر کوئی جانتا ہے، جو فلم انڈسٹری میں بڑے سیٹس اور اتنی ہی عظیم اور افسانوی کہانیوں کے لیے جانے جاتے ہیں۔ ‘دیوداس’، ‘ہم دل دے چکے صنم’ سے لے کر ‘سانوریا’، ‘باجی راو¿ مستانی’ اور ‘پدماوت’ تک، بھنسالی نے کئی سپر ہٹ فلمیں دیں۔ اس کے ساتھ انھوں نے ‘گزارش’ اور ‘بلیک’ جیسے سنجیدہ موضوعات پر فلمیں بھی بنائیں جو ان کے عام انداز سے بالکل مختلف تھیں۔ ناظرین نے بھی ان فلموں کو بہت پسند کیا۔
ان میں رانی مکھرجی اور امیتابھ بچن کی 2005 میں ریلیز ہونے والی فلم ’بلیک‘ کو بھارتی سینما میں سنگ میل سمجھا جاتا ہے۔ ایک نابینا اور بہری لڑکی اور اس کے استاد کی اس کہانی نے سامعین کی توجہ اپنی جانب مبذول کرائی۔ فلم میں رانی مکھرجی اور امیتابھ بچن کے کام کو سراہا گیا۔ یہی نہیں، امیتابھ بچن نے ‘بلیک’ کے لیے بہترین اداکار کا دوسرا نیشنل ایوارڈ جیتا۔
حال ہی میں اس فلم کے 19 سال مکمل ہونے کے موقع پر امیتابھ بچن نے ٹوئٹر کے ذریعے بڑا اعلان کیا۔ امیتابھ بچن نے اعلان کیا کہ فلم ‘بلیک’ 19 سال بعد او ٹی ٹیپلیٹ فارم پر ریلیز ہوگی۔ امیتابھ بچن نے اپنے ٹوئٹر اکاو¿نٹ پر پوسٹ کرتے ہوئے لکھا، ‘آج ہم 19 سال بعد ‘بلیک’ کی پہلی ڈیجیٹل ریلیز کا جشن منا رہے ہیں۔ یہ فلم او ٹی ٹیپلیٹ فارم نیٹ فلکس پر ریلیز کی جائے گی۔ اس فلم نے ہمیں بہت کچھ دیا ہے اور مجھے یقین ہے کہ آپ کو بھی اس سے کچھ ترغیب ملے گی۔
سنجے لیلا بھنسالی اپنی آنے والی ‘ہیرامنڈی’ کے لیے سرخیوں میں ہیں۔ بھنسالی کی پہلی ویب سیریز جلد ہی نیٹ فلکس پر ریلیز ہوگی۔ حال ہی میں اس سیریز کی پہلی جھلک سامنے آئی ہے۔ اس سیریز میں سوناکشی سنہا، رچا، منیشا کوئرالہ، آدیتی راو¿ حیدری، سنجیدہ شیخ مرکزی کردار میں نظر آئیں گی۔ ناظرین بھنسالی کی اس آنے والی سیریز کا بے صبری سے انتظار کر رہے ہیں۔
