سانبہ پولیس قتل کی کوشش کے معاملے دو ملزمان کو گرفتار کیا
جموں، 9 جنوری (ہ س)۔ جموں و کشمیر کے ضلع سانبہ میں پولیس نے قتل کی کوشش کے معاملے میں جالندھر (پنجاب) اور مجلتا (ادھم پور) سے دو ملزمان کو گرفتار کیا ہے۔ گرفتار ملزمین میں سے ایک کی شناخت امت کمار عرف شرابی و لد اونکار ناتھ ساکن وارڈ نمبر 1 پکی منڈی ضلع سانبہ طور پر کی گئی ہے۔ اس سے قبل 31 دسمبر کو پولیس نے ایک سخت گیر مجرم کو گرفتار کیا تھا جس کی شناخت رادھے شام عرف شمو ولد سوم دت ساکن شہزاد پور، رام گڑھ کے طور پر کی گئی تھی۔ اس طرح پولیس نے پنکج پر قاتلانہ حملے میں ملوث تین ملزمان کو گرفتار کرنے میں کامیابی حاصل کی ہے۔
پولیس نے بتایا کہ 19 دسمبر کو تیز دھار ہتھیاروں سے لیس بدمعاشوں کے ایک گروپ نے شہزاد پور گاؤں میں پنکج پر اس وقت حملہ کیا جب وہ والی بال کھیل رہا تھا۔ حملے میں پنکج شدید طور پر زخمی گیا۔ پولیس نے اس ضمن میں ایک ایف آئی آر زیر نمبر یو/ایس 307، 323، 148 آئی پی سی، 4/25 آرمس ایکٹ کے تحت پولیس اسٹیشن رام گڑھ میں درج کرکے تفتیش شروع کردی اور ملزمان کی گرفتاری کے لیے چھاپے مارے۔
پولیس نے اس معاملے میں تاحال تین ملزمین کو گرفتار کر لیا ہے۔ اور جرم میں استعمال ہونے والے ہتھیار اور ایک ملزم کی ماروتی ای سی او گاڑی کو ضبط کیا ہے۔ سینیئر سپرنٹنڈنٹ آف پولیس سانبہ بینم توش نے کہا کہ پولیس تمام مقدمات کو نمٹانے اور تمام ملزمان اور ان کے معاونین کو پکڑنے کے لیے انتہائی پیشہ ورانہ انداز اپناتے ہوئے گہرائی سے تفتیش کر رہی ہے۔ سانبہ پولیس نے گزشتہ ساڑھے گیارہ مہینوں میں 170 سے زیادہ سخت مجرموں کو گرفتار کیا ہے اور اُن پر پی ایس اے عائد کیا ہے۔
ہندوستھان سماچار
