بھارت ایک اور ریکارڈ کے قریب، ملک کا پہلا سن مشن آج اپنی منزل پر پہنچ جائے گا

نئی دہلی، 6 جنوری (ہ س)۔ ہندوستان خلائی میدان میں ایک اور ریکارڈ بنانے کے بہت قریب ہے۔ ہندوستان کا پہلا سورج مشن آدتیہ – ایل 1ہفتہ کی شام 4 بجے اپنی منزل پر پہنچے گا۔ آدتیہ کو زمین سے 15 لاکھ کلومیٹر دور ایل- 1 (لاگرینج پوائنٹ) کے قریب مدار میں رکھا جائے گا۔ انڈین اسپیس ریسرچ آرگنائزیشن (اسرو) اپنے حوصلہ مند مشن کے آخری مرحلے کے لیے پوری طرح تیار ہے۔

چندریان -3 کی کامیابی کے بعد، اسرو کے تاریخ رقم کرنے کا سلسلہ جاری ہے۔ اسرو نے نئے سال کے آغاز پر بلیک ہول کا مطالعہ کرنے کے لیے ایک سیٹلائٹ لانچ کر کے دنیا میں اپنا لوہا منوایا ہے ۔ اس سیریز میں ہندوستان کا پہلا سن مشن آدتیہ ایل۔1ہفتہ کی شام 4 بجے اپنے ہدف تک پہنچ جائے گا۔اسرو اسے کمانڈ دے کرایل ۔1کے ہیلو آربٹ پر پہنچائے گا۔ اس کے ساتھ ہی گزشتہ 3 ستمبر کو آندھرا پردیش کے سری ہری کوٹا سے سورج کے لئے شروع ہوا 15 لاکھ کلومیٹر کا سفر اپنی منزل تک پہنچے گا۔ سورج کا مطالعہ کرنے والا یہ ملک کا پہلا مشن ہے۔ اس مشن کی کامیابی پر امریکہ کے بعد بھارت واحد ملک ہوگا جس کا خلائی جہاز اس مقام تک پہنچے گا۔

کب کیا ہوا!

– 2 ستمبر 2023 کو سری ہری کوٹا، آندھرا پردیش میں ستیش دھون خلائی مرکز سے آدتیہ ایل ون لانچ۔

– 03-15 ستمبر کو خلائی جہاز نے مختلف مراحل مکمل کیے۔

– 19 ستمبر کو سورج -زمین کے ایل ون پوائنٹ کی طرف بڑھا۔

– 30 ستمبر کو زمین کے دائرہ اثر سے باہر نکل گیا۔

– 1 دسمبر کو آدتیہ سولر ونڈ پارٹیکلزایکسپیریمنٹ میں سولر ونڈ آئن ایسپیکٹرو میٹر پے لوڈ شروع۔

– 6 جنوری کو آدتیہ ایل ون خلائی جہاز منزل کے مدار میں پہنچے گا۔

ہندوستھان سماچار