بالی ووڈ اداکارہ کترینہ کیف اور ساوتھ کے سپر اسٹار اداکار وجے سیتھوپتی کی فلم ’ میری کرسمس‘ جلد ہی سینما گھروں کی زینت بننے والی ہے۔ اس فلم کا ٹریلر چند روز قبل جاری کیا گیا ہے۔ اس کے بعد فلم کا ایک گانا بھی ناظرین کے سامنے آیا ہے۔ شائقین اس گانے کو بہت پسند کر رہے ہیں۔ اس گانے میں وجے اور کرینہ کے درمیان لپ لاک کا سین ہے۔
فلم ’ میری کرسمس‘ کا دوسرا گانا’ نظر تیری طوفان‘ ریلیز کر دیا گیا ہے۔ اس گانے کو پریتم چکرورتی نے کمپوز کیا ہے۔ ‘ نظر تیری طوفان ‘ گانے کے گیت نگار ورون گروور ہیں۔ گانے میں کترینہ اور وجے کے ’ لپ لاک ‘ سین نے بہت سے لوگوں کی توجہ اپنی جانب مبذول کر لی ہے۔ اس کے علاوہ اس گانے میں کترینہ اور وجے کی رومانوی کیمسٹری بھی نظر آرہی ہے۔
فلم’ میری کرسمس ‘ کی ہدایت کاری شری رام راگھو نے کی ہے۔ ایک حالیہ انٹرویو میں، انہوں نے فلم میں وجے سیتھوپتی کو کاسٹ کرنے کے پیچھے کی کہانی سنائی۔ وہ ایک فلم فیسٹیول کے لیے میلبورن گئے تھے۔ وہیں فلم ’96‘ دیکھنے کے بعد وجے سے ملے اور انھوں نے ان سے پوچھا کہ کیا وہ ہندی بول سکتے ہیں۔ جب وجے نے ہاں کہا تو ڈائریکٹر نے انہیں ’میری کرسمس‘ کے لیے کاسٹ کیا۔
ہندوستھان سماچار
