نئی دہلی، 05 جنوری (ہ س)۔ گلوبل مارکیٹ سے آج ملے- جلے رجحانات موصول ہو رہے ہیں۔ گزشتہ سیشن کے دوران امریکی مارکیٹ میں مسلسل دباو قائم رہا۔ تاہم ڈاو جونز فیوچرز آج فائدہ کے ساتھ تجارت کرتا ہوا نظر آ رہا ہے۔ دوسری جانب یورپی مارکیٹس گزشتہ سیشن کے دوران زبردست کاروبار کرنے کے بعد بند ہوئے ۔ اسی دوران آج ایشیائی بازاروں میں ملا- جلا کاروبار ہو رہا ہے۔
گزشتہ سیشن کے دوران امریکی مارکیٹ میں کمزوری رہی۔ ٹیک شیئروں میںمنافع وصولی کی وجہ سے مارکیٹ پر مسلسل دباو قائم رہا۔ ایس اینڈ پی 500 انڈیکس 0.09 فیصد کی کمزوری کے ساتھ 4,700.37 پوائنٹس پر بند ہوا۔ اسی طرح نیس ڈیک نے 0.31 فیصد کی کمزوری کے ساتھ 14,547.06 پوائنٹس کی سطح پرگزشتہ سیشن کے کاروبار کا اختتام کیا۔ دوسری طرف، ڈاو¿ جونز فیوچرز آج 0.11 فیصد کی مضبوطی کے ساتھ 37,481.60 کی سطح پر کاروبار کر رہا ہے۔
امریکی مارکیٹ کے برعکس، یورپی مارکیٹس گزشتہ سیشن کے دوران اضافے کے ساتھ بند ہونے میں کامیاب رہے ۔ ایف ٹی ایس ای انڈیکس 0.53 فیصد اضافے کے ساتھ 7,723.07 پوائنٹس پر بند ہوا۔ اسی طرح، سی اے سی انڈیکس نے 0.52 فیصد اضافے کے ساتھ 7,450.63 پوائنٹس کی سطح پر گزشتہ سیشن کے کاروبار کاخاتمہ کیا۔ اس کے علاوہ ڈی اے ایکس انڈیکس 0.47 فیصد اضافے کے ساتھ 16,617.29 پوائنٹس کی سطح پر بند ہوا۔
ایشیائی بازاروں میں آج ملا- جلا کاروبار ہوتا دیکھا گیا۔ ایشیا کے 9 بازاروں میں سے 4 کے انڈیکس تیزی کے ساتھ سبز نشان میں کاروبار کر رہے ہیں جبکہ 5 انڈیکس کمی کے ساتھ سرخ نشان میں کاروبار کر رہے ہیں۔ گفٹ نفٹی 0.15 فیصد کے اضافے کے ساتھ 21,812.50 پوائنٹس کی سطح پر کاروبار کر رہا ہے۔ اسی طرح، اسٹریٹس ٹائمز انڈیکس اب تک کے کاروبار میں 0.38 فیصد چھلانگ لگا کر 3,186.20 پوائنٹس کی سطح پر پہنچ گیا ہے۔ نکئی انڈیکس 261.87 پوائنٹس یعنی 0.79 فیصد اضافے کے ساتھ 33,550.16 پوائنٹس کی سطح پر کاروبار کر رہا ہے۔ اسی طرح جکارتہ کمپوزٹ انڈیکس 0.21 فیصد کے اضافے کے ساتھ 7,375.04 پوائنٹس کی سطح پر کاروبار کر رہا ہے۔
دوسری جانب ہینگ سینگ انڈیکس 0.14 فیصد کی کمزوری کے ساتھ 16,622.45 پوائنٹس کی سطح پر کاروبار کر رہا ہے۔ اسی طرح تائیوان ویٹڈ انڈیکس میں 0.12 فیصد کی کمی کے ساتھ 17,528.63 پوائنٹس کی سطح پر پہنچ گیا۔ کوسپی انڈیکس میں بھی اب تک کے کاروبار میں 0.38 فیصد کی کمیکے ساتھ 2,577.07 پوائنٹس تک پہنچ گیا ہے۔ اسی طرح سیٹ کمپوزٹ انڈیکس 0.22 فیصد کمی کے ساتھ 1,431.39 پوائنٹس کی سطح پر ٹریڈ کر رہا ہے۔ اس کے علاوہ شنگھائی کمپوزٹ انڈیکس 0.13 فیصد کی کمی کے ساتھ 2,950.61 پوائنٹس کی سطح پر ٹریڈ کرتا ہوا دیکھا جا رہا ہے۔
ہندوستھان سماچار
