ویلنگٹن، 22 دسمبر (ہ س)۔ رواں ماہ کے آخر میں گھریلو میدان پر بنگلہ دیش کے خلاف ہونے والے مقابلے کے لیے نامزد کپتان کین ولیمسن اور کائل جیمیسننیوزی لینڈ کی ٹی ۔20 ٹیم سے دستبردار ہو گئے ہیں۔ مچل سینٹنر، جنہوں نے ماضی میں نیوزی لینڈ کی دونوں وائٹ بال ٹیموں کی قیادت کی ہے، ولیمسن کی غیر موجودگی میں کپتانی کریں گے۔
رچن رویندر اور جیکب ڈفی کو متبادل کے طور پر بلایا گیا ہے، نیوزی لینڈ کرکٹ (این زیڈ سی ) کا کہنا ہے کہ ولیمسن اور جیمیسن کے بارے میں فیصلہ ”طبی مشورے اور ٹیم کے آنے والے شیڈول پر غور کرنے کے بعد کیا گیا ہے، جس میں جنوبی افریقہ اور آسٹریلیا کے خلاف اس موسم گرما میں ہندوستان کے خلاف ٹیسٹ سیریز پر توجہ مرکوز کی گئی ہے۔“
این زیڈ سی نے ایک سرکاری بیان میں کہا،”ولیمسن، جو اس سال کی شروعات میں آئی پی ایل کے دوران اپنے دائیں گھٹنے میں چوٹ لگنے کے بعد سات ماہ کی مسابقتی کرکٹ سے محروم ہو گئے تھے، ہندوستان اور بنگلہ دیش میں کھیلنے کے لیے اپنی حالیہ واپسی کے بعد گھٹنے کی بحالی کی مدت سے گزریں گے“۔
بورڈ نے مزید کہا،”جہاں تک جیمیسن کا تعلق ہے، ان کی ہیمسٹرنگ انجری کا بہترین حل فروری میں جنوبی افریقہ کے خلاف ہونے والی ٹیسٹ سیریز سے قبل ٹارگٹڈ بحالی کی مدت سے ہوا۔وہ بنگلہ دیش کے خلاف تین ٹی ۔20 سیریز کی سیریز کے ساتھ ساتھ پاکستان کے خلاف جنوری میں ہونے والی ٹی۔20سیریز سے باہر رہیں گے۔اس سے قبل انہیں بنگلہ دیش کے خلاف جاری سیریز کے لیے ون ڈے ٹیم سے ڈراپ کر دیا گیا تھا، جس میں نیوزی لینڈ 2-0 کی سبقت بنا چکا ہے“۔
نیوزی لینڈ کے کوچ گیری اسٹیڈ نے ایک بیان میں کہا، ”ہم چاہتے ہیں کہ کین اور کائل دونوں جنوبی افریقہ اور آسٹریلیا کے خلاف ٹیسٹ کرکٹ کے اگلے مرحلے کے لیے بہترین ممکنہ جگہ پر رہیں۔ طبی عملے اور کھلاڑیوں کے ساتھ بات چیت کی بنیاد پر یہ فیصلہ کیا گیا کہ بحالی کی میعاد اور کنڈیشنگ ، دونوں کے لئے بہترین متبادل تھا“۔
اسٹیڈ نے کہا، ”جیکب ایک تجربہ کار ٹی۔20 کرکٹر ہیں، اور جب وہ بلیک کیپس ماحول کا حصہ ہوتے ہیں تو ہمیشہ بہت کچھ لے کر آتے ہیں۔ انہوں نے حالیہ سیزن میں اپنی سفید گیند کی مہارت پر بہت محنت کی ہے۔ رچن جس بھی ماحول کا حصہ ہوتے ہیں، اس میں اپنا تعاون دیتے ہیں اور ان کی کارکردگی بہت اچھی ہوتی ہے۔ وہ تینوں فارمیٹس میں اپنے کھیل کو سیکھنے اوراپنے کھیل کو ترقی دینے کی زبردست خواہش رکھتے ہیں۔“
بنگلہ دیش کے خلاف ٹی ۔20 سیریز کے لیے نیوزی لینڈ کی ٹیم: مچل سینٹنر (کپتان)، فن ایلن، مارک چیپ مین، جیکب ڈفی، ایڈم ملنے، ڈیرل مچل، جیمز نیشم، گلین فلپس، رچن رویندر، بین سیئرز، ٹم سیفرٹ، ایش سوڑھی، ٹم ساوتھی ۔
ہندوستھان سماچار
