سلکیارا میں سرنگ عبور کر مزدوروں تک پہنچنے کا کاونٹ ڈاون شروع!۔
۔ وزیراعلیٰ دھامی ریسکیو آپریشن کا معائنہ کرنے پہنچے، کہا – 57 میٹر کے آس پاس کامیابی کی امید
اترکاشی، 28 نومبر (ہ س)۔ اتراکھنڈ کے اترکاشی میں وزیر اعلیٰ پشکر سنگھ دھامی زیر تعمیر سلکیارا ٹنل میں پھنسے 41 مزدوروں کو بچانے کے آپریشن کے 17ویں دن آج (منگل) کی صبح یہاں پہنچے۔ انہوں نے ریسکیو آپریشن کا معائنہ کیا۔
وزیر اعلیٰ نے کہا کہ تقریباً 52 میٹر کا کام ہو چکا ہے (پائپ بچھائی جا چکی ہے)۔ امید ہے کہ 57 میٹر کے آس پاس کامیابی ملے گی۔ میرے سامنے ایک میٹر پائپ اندر چلا گیا ہے، اگر دو میٹر اور ڈالاجائے تو اس میں تقریباً 54 میٹر ہوگا۔ اس کے بعد ایک اور پائپ استعمال کیا جائے گا۔ (ڈرلنگ کے دوران) پہلے اسٹیل کے گارڈر پائے جاتے تھے۔ اب اس میں کمی آئی ہے۔ اب ہمیں کنکریٹ زیادہ مل رہی ہے۔‘‘
ذرائع کا کہنا ہے کہ ورٹیکل ڈرلنگ کو فی الحال روک دیا گیا ہے کیونکہ مینوئل کام میں تیزی آئی ہے۔ اگر اب کوئی مسئلہ نہیں ہوا تو صرف چند گھنٹوں میں سلکیارا ٹنل میں پھنسے مزدور ٹنل تک پہنچ سکیں گے۔ آج کا دن مزدوروں کے لیے راحت کی خبر لے کر آیا ہے۔ پیر سے جاری ریسکیو آپریشن کے ساتھ مزدوروں کو نکالنے کے لیے الٹی گنتی شروع ہو گئی ہے۔ قریبی ہسپتالوں کو الرٹ کر دیا گیا ہے۔ این ڈی آر ایف اور ایس ڈی آر ایف کی ٹیموں کو بھی ریسکیو کے لیے تیار رکھا گیا ہے۔
ہندوستھان سماچار
/شہزاد
