କେନ୍ଦ୍ରାପଡ଼ା, ୨୮ ଜାନୁଆରୀ :- କେନ୍ଦ୍ରାପଡା ଜିଲ୍ଲା ଆଇନସେବା ପ୍ରାଧିକରଣ ଆନୁକୂଲ୍ୟରେ ସମ୍ବିଧାନ କର୍ତବ୍ୟ ଉପରେ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରରେ ପ୍ରାଧିକାରଣ ସଚିବ ସୁମିତ୍ରା ସାହୁ ମୁଖ୍ୟ ଅତିଥି ଭାବେ ଯୋଗଦେଇ ସମ୍ବିଧାନରେ ଥିବା ବିଭିନ୍ନ ଧାରା ଓ ଏହାର ମୈାଳିକ କର୍ତବ୍ୟ ମାନ ଉପରେ ପୁଙ୍ଖାନୁପୁଙ୍ଖ ଆଲୋକପାତ କରିଥିଲେ । ଶିବିରରେ ଉପସ୍ଥିତ ଥିବା ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ସମ୍ବିଧାନ ସଂପର୍କରେ ବିଭିନ୍ନ ପ୍ରକାର ଉପଦେଶ ମାନ ଦେଇଥିଲେ । ଆଗାମୀ ଦିନରେ ଛାତ୍ରଛାତ୍ରୀ ମାନେ କିପରି ଭଲ ମଣିଷ ରୂପେ ପରିଗଣିତ ହେବେ ସେ ଉପରେ ଆଲୋଚନା କରାଯାଇଥିଲା । କାର୍ଯ୍ୟକ୍ରମରେ ବାରିମୂଳ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ମଧୁସୁଦନ ବେହେରା, ପରିଚାଳନା କମିଟି ସଭାପତି ନିତ୍ୟାନନ୍ଦ ପାଣି ଓ ସଦର ଥାନା ସବ୍ ଇନିସପେକ୍ଟର ବିଶ୍ଵ ଭୂଷଣ ସାହାଣୀ ପ୍ରମୁଖ ଯୋଗଦେଇ ସମ୍ବିଧାନ ଉପରେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ ।
ଆୟୋଜିତ ଏହି କାର୍ଯ୍ୟକ୍ରମରେ ଶ୍ରୀକାନ୍ତ କୁମାର ସ୍ଵାଇଁ, ଦେବବ୍ରତ ପଲାଇ, ଶାନ୍ତନୁ ବଳ, ବରଦା ପ୍ରସନ୍ନ ମହାପାତ୍ର, ଦିପକ ମହାନ୍ତି, କୁବେର ସାହୁ ପ୍ରମୁଖ ଉପସ୍ଥିତ ଥିଲେ ।
