ନୂଆଦିଲ୍ଲୀ, 9 ସେପ୍ଟେମ୍ବର (ହି.ସ.)- ଭାରତର ୧୭ତମ
ଉପରାଷ୍ଟ୍ରପତି ଚୟନ ପାଇଁ ମଙ୍ଗଳବାର ସକାଳ ୧୦ଟାରୁ ଭୋଟଦାନ ପ୍ରକ୍ରିୟା ଆରମ୍ଭ ହୋଇଛି। ଏହି
ନିର୍ବାଚନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂଆ ସଂସଦ ଭବନରେ ପହଞ୍ଚି ସବୁଠୁ ପ୍ରଥମେ
ଭୋଟ ଦେଇଥିଲେ। ମତଗଣନା ଆଜି ସନ୍ଧ୍ୟାରେ କରାଯିବ।
ଏହି ନିର୍ବାଚନରେ ଏନଡିଏପକ୍ଷରୁ ସିପିରାଧାକୃଷ୍ଣନ ଓ ବିରୋଧୀ ମେଂଟର ସଂଯୁକ୍ତ ପ୍ରାର୍ଥୀ ବି.
ସୁଦର୍ଶନ ରେଡ଼୍ଡିଙ୍କ ମଧ୍ୟରେ ପ୍ରତିଯୋଗିତା ହେଉଛି।
ଉପରାଷ୍ଟ୍ରପତି ନିର୍ବାଚନ ପାଇଁ
ଭୋଟଦାନ ପ୍ରକ୍ରିୟା ଆରମ୍ଭ ହୋଇଛି, ଯାହା ନୂଆ ସଂସଦ ଭବନରେ ସକାଳ ୧୦ଟାରୁ ଆରମ୍ଭ ହୋଇ ସନ୍ଧ୍ୟା ୫ଟା ପର୍ଯ୍ୟନ୍ତ ଚାଲିବ।
ଏଥିରେ ଲୋକସଭା ଓ ରାଜ୍ୟସଭା ସଦସ୍ୟମାନେ ଭୋଟ ଦେବେ। ପ୍ରଧାନମନ୍ତ୍ରୀ ମୋଦି ସବୁଠୁ ପ୍ରଥମେ ଭୋଟ
ଦେଇଥିଲେ। ସେ ଆଜି ବନ୍ୟା ପ୍ରଭାବିତ ପଞ୍ଜାବ ଓ ହିମାଚଳ ପ୍ରଦେଶ ଗସ୍ତରେ ମଧ୍ୟ ଯିବେ।
ଏହି ନିର୍ବାଚନରେ ଏନଡିଏ
ପକ୍ଷରୁ ସି. ପି. ରାଧାକୃଷ୍ଣନ ଓ ବିରୋଧୀ ମେଂଟର ସଂଯୁକ୍ତ ପ୍ରାର୍ଥୀ ବି. ସୁଦର୍ଶନ
ରେଡ଼୍ଡିଙ୍କ ମଧ୍ୟରେ ପ୍ରତିଯୋଗିତା ହେଉଛି। ନିର୍ବାଚନ ପ୍ରକ୍ରିୟା ଆରମ୍ଭ ହେବାର କିଛି ଘଣ୍ଟା
ପୂର୍ବରୁ ଏନଡିଏ ପ୍ରାର୍ଥୀ ସି. ପି. ରାଧାକୃଷ୍ଣନ ଲୋଧି ରୋଡ଼ ସ୍ଥିତ ଶ୍ରୀରାମ ମନ୍ଦିରରେ ପୂଜା
ଅର୍ଚ୍ଚନା କରିଥିଲେ।
ଦେଶର ତିନିଟି ରାଜନୈତିକ ଦଳ
ଏହି ଉପରାଷ୍ଟ୍ରପତି ନିର୍ବାଚନରୁ ଦୂରେଇ ରହିଛନ୍ତି। ଓଡ଼ିଶାରୁ ନବୀନ ପଟ୍ଟନାୟକଙ୍କ ବିଜୁ ଜନତା
ଦଳ, ପଞ୍ଜାବର ଶିରୋମଣି ଅକାଳି ଦଳ, ଓ ତେଲେଙ୍ଗାନାରୁ ଚନ୍ଦ୍ରଶେଖର ରାଓଙ୍କ ଭାରତ ରାଷ୍ଟ୍ର ସମିତି ଏଥିରୁ ଦୂରେଇ ରହିଛନ୍ତି ।
ଅଲ୍ ଇଣ୍ଡିଆ
ମଜଲିସ-ଇ-ଇତ୍ତେହାଦୁଲ୍ ମୁସଲିମିନ୍ ଓ ଆମ ଆଦମୀ ପାର୍ଟି ବିରୋଧୀ ମେଂଟର ପ୍ରାର୍ଥୀଙ୍କୁ
ସମର୍ଥନ ଦେଇଛନ୍ତି। ଅନ୍ୟପଟେ ୱାଇଏସଆରପି ଏନଡିଏପ୍ରାର୍ଥୀକୁ ସମର୍ଥନ ଦେଇଛି।
—————
ହିନ୍ଦୁସ୍ଥାନ ସମାଚାର / ସ୍ୱାଗତିକା
