कोलकाता, 11 फरवरी : राज्य राजधानी कोलकाता सहित सम्पूर्ण राज्यमा बसन्त ऋतुको आगमनसितै मौसम पनि अनौठो ढंगमा परिवर्तन भइरहेको छ। अहिलेघरि सूर्य अस्ताएपछि राति सामान्य जाड़ो अनुभूति हुन्छ भने दिउँसो घाम लाग्नसाथ जाड़ो हराउँछ।
मौसम विभागद्वारा शनिवार जारी बयानमा बताइएको छ, कोलकाताको न्यूनतम तापमान 14.9 डिग्री सेल्सियस रेकर्ड गरिएको छ जुन सामान्यभन्दा 3 डिग्री कम हो। अधिकतम तापमान पनि सामान्यभन्दा कम 25.4 डिग्री सेल्सियस छ। पारा यसैबीच अल्झिरहेकोले त्यति धेरै गर्मी पनि भएको छैन, जाड़ो पनि भएको छैन। मौसम यसरी परिवर्तन भइरहेकोले भायरल रोगहरू तीव्र गतिमा बढ़िरहेका छन्। अस्पतालहरूमा रूघा-खोकी-ज्वरो लगायत अन्य मौसमी बिमारहरूद्वारा पीड़ित मानिसहरूको संख्या बढ़्न थालेको छ।
हावड़ा, हुगली, उत्तर औ दक्षिण 24 परगना, पूर्व औ पश्चिम मेदिनीपुर, पुरूलिया, बाँकुड़ा समेत राज्यका अन्य क्षेत्रहरूमा पनि तापमान 14 –देखि 25 डिग्रीबीच कायम छ जसकारण मौसम सामान्य भएको छ। यसरी नै उत्तर बंगालका अलिपुरद्वार, कुचबिहार, जलपाईगुड़ी, दार्जीलिङ औ कालेबुङमा यद्यपि तापमान थोरै कम भए पनि यी क्षेत्रहरूमा पनि चिसो त्यति छैन। आगामी सातादेखि मौसम परिवर्तन हने सम्भावना छ तथा तापमान बढ़्नसक्छ।
