इम्फाल, 30 जनवरी : मणिपुरमा सुरक्षा बलहरूलाई ड्रग्स विरोधी अभियानमा ठूलो सफलता हात लागेको छ। पुलिस सूत्रले आज बताएको छ, गोप्य जानकारीको आधारमा मणिपुर पुलिस र असम राइफल्सद्वारा सञ्चालित एक संयुक्त अभियान अवधि गए सोमवार 90 हजार नशालू याबा ट्याबलेट जफत गरियो।
राज्यको जिरीबाम-तामेङ्गलोङ्ग जिल्लाको सीमामा अवस्थित फिटोल गाउँमा छापामारी कारबाहीको क्रममा भारी मात्रामा नशालू ट्याबलेट जफत गरियो। जफत गरिएको ट्याबलेटको भार 4.540 किलोग्राम छ। असम राइफल्सले दाबी गरेको छ, अन्तरराष्ट्रिय बजारमा जफत गरिएको उक्त ट्याबलेटको मूल्य लगभग 13 करोड़ रुपियाँ रहेको छ।
सन्देह छ, यी नशालू ट्याबलेटहरूलाई म्यान्मारदेखि मणिपुर हुँदै अन्य राज्यहरूमा पठाउने योजना थियो। यस सम्बन्धमा तौशेम पुलिस थानामा मामिला दर्ता गरी जाँच शुरू गरिएको छ।
