आरामबाग, 04 जनवरी (हि.स.)। हुगलीको आरामबागमा माकपाको कृषक सभाको पार्टी कार्यालय बुधवार सॉंझ भाजपाको कब्जामा आएको छ। वास्तवमा यो पार्टी कार्यालय भिन्न-भिन्नै समयमा भिन्न-भिन्नै पार्टीहरूको कब्जामा रहेको थियो। यहॉं कहिले माकपा, कहिले तृणमूल कांग्रेस र कहिले भाजपाको कब्जा रह्यो। बुधवार सॉंझ आरामबाग सांगठनिक जिल्ला भाजपा अध्यक्षले पार्टी कार्यालयमा भाजपाको झण्डा फहरायो र कार्यकर्ताहरूलाई शुभकामना दिए। यस अवधि भाजपाका कार्यकर्ताहरू र समर्थकहरूको निकै भीड जमेको थियो।
पूर्व माकपा कार्यकर्ता र वर्तमानमा भाजपा कार्यकर्ता अवनी गांगुलीले उनी स्वयंले नै पार्टी कार्यालय बनाएको बताइन्। पहिला यसलाई तृणमूलले लिएको र फेरि भाजपाले लिएको उनको भनाई छ। माकपाले फेरि यस पार्टी कार्यालयलाई आफ्नो कब्जामा लिएको, तर इण्डी गठबन्धनबाट असन्तुष्ट बनेपछि धेरै माकपा कार्यकर्ताहरू भाजपामा सामेल भएको र अब यो पार्टी कार्यालय भाजपाको कब्जामा आएको उनले बताइन्।
पुरसुराका विधायक एवं आरामबाग सांगठनिक जिल्ला भाजपा अध्यक्ष बिमान घोषले यो पार्टी कार्यालय कामपा कार्यकर्ताहरूले उनलाई दिएको दाबी गरे। उनले पार्टी कार्यालयको स्थानान्तरण सम्बन्धि दस्तावेजहरू पनि देखाए।
हिन्दुस्थान समाचार/भवानी
