नयाँ दिल्ली, 19 अगस्त (हि.स.)। राष्ट्रपति द्रौपदी मुर्मूले भारतको कूटनीतिक प्रयास देशको घरेलू आवश्यकताहरू र 2047 सम्म विकसित भारत बन्ने लक्ष्यको साथ घनिष्ठ रूपमा जोड़िएको हुनुपर्ने बताएकी छन्। उनले युवा अधिकारीहरूसित आग्रह गरिन् कि उनीहरूले आफूलाई न केवल भारतको हितहरूको संरक्षक तर उसको आत्माको राजदूतको रूपमा पनि हेर्नुपर्छ। उनले राष्ट्रपति भवनमा भारतीय विदेश सेवा (आईएफएस) को 2024 ब्याचका प्रशिक्षु अधिकारीहरूलाई सम्बोधित गरिरहेकी थिइन्।
राष्ट्रपतिले प्रशिक्षु अधिकारीहरूलाई भारतीय विदेश सेवामा सामेल हुनका लागि बधाई दिइन् औं भनिन्, उनीहरूले आफ्नो यात्रा शुरू गर्दै जहाँ पनि जाऊन्, भारतको सभ्यतागत ज्ञानको मूल्यहरू- शान्ति, बहुलवाद, अहिंसा र संवादलाई आफ्नो आचरणमा दर्शाउन्। साथै उनीहरू हरेक संस्कृतिको विचारहरू, मानिसहरू र दृष्टिकोणहरूप्रति खुल्ला रहनुपर्छ। वैश्विक परिप्रेक्ष्यमा तीव्र गतिमा परिवर्तन आइरहेको छ। भू-राजनीतिक परिस्थितिहरू, डिजिटल क्रान्ति, जलवायु परिवर्तन र बहुपक्षवादका चुनौतीहरू अगाड़ी छन्। यस्तो समयमा युवा अधिकारीहरूको चपलता र अनुकूलन क्षमता, भारतको सफलताको कुञ्जी हुनेछ।
राष्ट्रपतिले भनिन्, भारत आज विश्वका प्रमुख चुनौतीहरूको समाधानको एक अनिवार्य हिस्सा हो, चाहे त्यो वैश्विक उत्तर र दक्षिणबीच असमानताले उत्पन्न मुद्दा होस्, सीमापारी आतङ्कवादको खतरा होस् वा जलवायु परिवर्तनको प्रभाव होस्। भारत न केवल विश्वको सबैभन्दा ठूलो लोकतन्त्र हो तर एक निरन्तर उदियमान आर्थिक शक्ति पनि हो। हाम्रो आवाजको महत्व छ। राजनयिकहरूको रूपमा भारतीय विदेश सेवाका अधिकारी भारतको पहिलो अनुहार हुनेछन्, जसलाई विश्वले उनीहरूको शब्द, कार्य र मूल्यहरूमा देख्नेछ।
राष्ट्रपतिले आजको समयमा सांस्कृतिक कूटनीतिको बढ्दो महत्वमाथि पनि जोड दिइन्। उनले भनिन्, योग, आयुर्वेद, मिलेट्स (मोटो अनाज) का साथै भारतको संगीत, कला, भाषा र आध्यात्मिक परम्पराहरूलाई विश्व सामू र अझ् अधिक रचनात्मक तथा प्रभावशाली तरीकाले प्रस्तुत गरिनुपर्छ।
हिन्दुस्थान समाचार / भवानी थामी
