नयाँ दिल्ली, 03 फरवरी (हि.स.)। प्रधानमन्त्री नरेन्द्र मोदीले आज सोशल मीडियामा देशका पूर्व उप प्रधानमन्त्री एवं भारतीय जनता पार्टीका वरिष्ठ नेता लालकृष्ण आडवाणीलाई भारतरत्न प्रदान गर्ने सूचना साझा गरे। उनले वयोवृद्ध नेतालाई फोन गरी यसको निम्ति शुभकामना दिएका छन्।
प्रधानमन्त्री नरेन्द्र मोदीले एक्स ह्याण्डलमा यस सूचनालाई साझा गर्दै भाजपा नेता आडवाणीको साथ आफ्नो दुई वटा पुरानो फोटो अपलोड गरेका छन्। प्रधानमन्त्रीले भने, आडवाणीलाई भारत रत्नले सम्माति गरिनु मेरो निम्ति धेरै भावुक क्षण हो। उनीसित कुराकानी गर्ने र उनीबाट सिक्ने अनगन्ती अवसर प्राप्त भयो, म यसलाई आफ्नो सौभाग्य मान्दछु। समयको सबैभन्दा सम्मानित नेताहरूमध्ये एक आडवाणीको भारतको विकासमा अविस्मरीणय योगदान छ।
उनले आफ्नो जीवनमा जमीनी स्तरमा काम गर्नदेखि शुरू भएर उप प्रधानमन्त्रीको रूपमा देशको सेवा गरे। उनले गृहमन्त्री र सूचना एवं प्रसारण मन्त्रीको रूपमा पनि आफ्नो पहिचान बनाए। उनको संसदीय हस्तक्षेप सदैव अनुकरणीय र समृद्ध अन्तरदृष्टिले भऱेको छ। सार्वजनिक जीवनमा आडवाणीको दशकौं लामो सेवालाई पारदर्शिता र अखण्डताप्रति अटूट प्रतिबद्धताको रूपमा चिन्हित गरिएको छ। उनको राजनीतिक नैतिकताले अनुकरणीय मानक स्थापित गरेको छ। भाजपा नेता आवडाणीले राष्ट्रिय एकता र सांस्कृतिक पुनरूत्थानलाई अघि बढ़ाउने दिशामा अद्वितीय प्रयास गरेका छन्।
