नयाँ दिल्ली, 22 नोभेम्बर (हि.स.)। जनजातीय गौरव दिवसको अवसरमा केन्द्र सरकारद्वारा शुरू गरिएको विकसित भारत सङ्कल्प यात्रा अन्तर्गत अहिलेसम्ममा देशभरि 1232 स्वास्थ्य शिविर आयोजना गरिसकिएको छ। केन्द्रिय स्वास्थ्य मन्त्रालयले बुधवार बतायो, यस यात्रा अन्तर्गत 203 ग्राम पञ्चायतहरूमा 1232 स्वास्थ्य शिविर आयोजना गरिसकिएको छ जसमा 1,66,000 भन्दा अधिक मानिसहरूको उपस्थिति दर्ता गरिएको छ। यी शिविरहरूमा 33,000 भन्दा अधिक आयुष्मान कार्ड बनाइएको छ भने 21,000 भन्दा अधिक भौतिक कार्ड वितरित गरिसकिएको छ।
यस अतिरिक्त 41,000 भन्दा अधिक मानिसहरूको टीबीको जाँच गरियो भने 4,000 भन्दा अधिक मानिसहरूलाई उच्च सार्वजनिक स्वास्थ्य सुविधाको लागि रेफर गरियो। 24,000 भन्दा अधिक मानिसहरूको एससीडीको जाँच गरियो भने 1100 मानिसहरूलाई उच्च सार्वजनिक स्वास्थ्य सुविधाको लागि रेफर गरियो। उच्च लगभग 1,35,000 मानिसहरूको उच्च रक्तचाप र मधुमेहको जाँच गरियो भने 10,000 भन्दा अधिक मानिसहरूलाई उच्च सार्वजनिक स्वास्थ्य सुविधाको लागि रेफर गरियो।
उल्लेखनीय छ, सारा देशभरि नै केन्द्र सरकारका योजनाहरूको लाभ पुऱ्याउँदै प्रधानमन्त्री नरेन्द्र मोदीले गत 15 नोभेम्बरमा झारखण्डको खुँटीबाट विकसित भारतको सङ्कल्प यात्रा आरम्भ गरेका थिए जसान्तर्गत तत्काल सेवाहरूको सुविधा उपलब्ध गराउनका लागि डाक विभाग, स्वास्थ्य विभाग सहित अन्य विभागहरूद्वारा विभिन्न शिविर आयोजना गरिँदैछ। सरकारका प्रमुख योजनाहरूको बारेमा नागरिकहरूलाई सूचित गर्न तथा उनीहरूलाई सशक्त बनाउनका लागि यस यात्राको माध्यमबाट जागरूकता फैलाउँदै नागरिकहरूसम्म प्रत्यक्ष रूपमा कल्याणकारी योजनाहरूको लाभ पुऱ्याउने काम गरिँदैछ।
हिन्दुस्थान समाचार/उष्णता
